செ.சுந்தரராஜன்

இருநூற்றம்பது ரூபாயும், இரண்டு பீரும்

2011-11-23T06:17:00.001-08:00

"எவ்ளோ மேடம்?"

"2000 ப்பா!"

"இல்ல மேடம் எங்களுக்கு 1750 தானே,?!"

"ஆமாம் இந்த time ஒரு பேப்பர்க்கு 50 extra ஆகிட்டாங்க, கிளாஸ் க்கு circular வந்திருக்குமே? "

அவள் பேசிகொண்டிருக்க இருநூற்றம்பது ரூபாய் மேற்கொண்டு செலுத்த வேண்டும் என்ற வார்த்தை, என் கனவில் இடி விழுந்தது போலிருந்தது.

இப்போது அவனிடம் சென்று பணமில்லை இனொரு நாள் பார்துகொள்ளலாம் என்றால் என்ன சொல்வானென்று தெரியவில்லை.

அவனிடம் அப்போதே சொன்னேன் "மச்சான்! இதெல்லாம் வேண்டாண்டா, நீ வேணுனா போ, நா வரல டா!"

"மச்சி! பீர் அடிகிறதுலாம் இப்போ கூல் ட்ரிங்க்ஸ் சாப்டர மாறி ஆய்டுச்சு, சொம்மா பயமா இருக்குன்னு சீன் போடாத!"

கோபால் எப்பவும் இப்படித்தான், அவனிடம் தெரியாமல் "பீர் எப்டிடா இருக்கும்" என்று கேட்டது தவறா? இல்லை இன்று வரை பீர் குடிக்காமல் இருந்தது என் தவறா? என்று தெரியவில்லை... அவன் பேசியே என் மனதை மாற்றிவிட்டான் என்று சொல்வதைவிடவும், நான் பீர் குடிக்க அவன் பேச்சினை ஒரு காரணமாக வைத்து கொள்ள என் மனம் அறிவுத்தியது, பின்னர் ஏதானும் பிரச்னை என்றால் இது ஒரு சிறந்த காரணமாக இருக்கும்...

"ok மச்சி! பீரடிக்க எவ்ளோடா செலவாகும்?"

"சாதாரணமா டாஸ்மாக் ல அடிக்கலாம்ன உனக்கு செரிபட்டுவராது . ம்ம் எதாவது நல்ல பார் க்கு போய்டுவோம், மச்சான்! என்ன ஒரு 250 ரூபா ஆவும்டா!"

"என்னது? ஒரு பீர் 250 ரூபாவாடா?"

" இல்லடா, ரெண்டு பீர், அப்புறம் எனக்கு யார் தருவா?"

" டேய்! நான் ஒன்னு முழுசா குடிக்கமாட்டேன்டா"

"தெரியும் மச்சி! நீ முடிஞ்சவரைக்கும் அடி மீதி இருந்தா நான் பாத்துக்குறேன்"

"நாயே! உன் கல்யாணத்துக்கு நான் அய்யர் ஆ?, சரி amount க்கு என்ன பண்றது?"

"அதான் எக்ஸாம் வருதுல, பீஸ் ஒரு 250 ரூபா ஏத்திட்டாங்கன்னு சொல்லி வாங்குடா, பாத்துக்கலாம்"

"டேய்! வீட்டுல எப்டிடா பொய் சொல்றது? நா சொன்னதே இல்லடா"

"அப்டினா, பீரடிக்க போறேன்னு சொல்லி கேட்கவேண்டியதுதான?, லூசு குடிகாரன் ஆய்ட்ட அப்புறம் என்ன சொம்மா செண்டிமெண்ட்"

"டேய்! இதெலாம் செரியா வரும்னு எனக்கு தோணல"

"அதெல்லாம் வரும் டா, சும்மா இருந்த என்ன உசுபேத்திட்டு இப்ப ஏமாத்திடாத டா, பீஸ் கட்றோம், பீர் அடிக்கறோம், அவ்ளோதான்."

அவன் சொன்ன மாதிரியே அம்மாவிடம் பீஸ் அதிகமாகிவிட்டது என்று பணம் கேட்டபோது, ஒரு வார்த்தை கூட கேட்காமல் தந்தாள், அப்போதே எனக்கு உண்மையை சொல்லி விடலாம் போல இருந்தது, இந்த பாழாய் போன பீர் கண்முன் ஆடியவுடன் ஒன்று சொல்லாமல் வந்து விட்டேன், இங்கு பணம் செலுத்துமிடத்தில் உண்மையிலே பீஸ் அதிகமாகிவிட்டதை அறிந்தபோது எனக்கு மயக்கமே வந்து விட்டது.நேரே சென்று கோபாலிடம் காட்டு காட்டென்று காட்டிவிட்டு வீட்டுக்கு நுழைந்தேன்.

அம்மா இல்லை, வெளிய சென்றிருந்தவள் அபோதுதான் வந்தாள் . வந்தவள் நேரே என்னிடம் வந்து

"இந்தா ராஜா, இந்தா 250 ரூபா"

எனக்கு தூக்கிவாரி போட்டது, ஒருவேளை எல்லாம் தெரிந்திருக்குமோ என்றேண்ணியவாறு

"எதுக்குமா? ஏது இந்த பணம்?"

"3000 சீட்டு போட்ருந்தண்டா, எனக்கு விழுந்துச்சு இந்த தடவ, அதுல தான் இது, காலேஜ் போற புள்ள,எதாவது செலவு இருக்கும், திடிர்னு ஒரு செலவு, இல்ல பசிக்குது, யார கேட்கமுடியும்?, அதான் வச்சிக்........."

அவள் பேசிகொண்டிருந்தாள், எனக்கு உடனே ஒரு பீர் அடித்துவிட்டு அவள் மடியில் படுத்து அழ வேண்டும் போலிருந்தது.

நீ - நான்- அலைபேசி!

2011-05-14T00:48:00.000-07:00

1)நீ!

"ம்ம்" என்று அனுப்புவாய் என்று

எதிர்பார்த்துகொண்டிருகும்போது

"ஹா ஹா" என்று அனுப்பி விடுகிறாய் - "ம்ம்ம்ம்"

என்று புலம்பி கொண்டிருக்கிறேன் நான்!

2)உன் பெயர் திரையில் வரும்போதெல்லாம்

சிவந்து விடுகிறது என் பேசி! - வெட்கமோ?

கோபமோ ? நானறியேன்!

3)உன் அழைப்புகளுக்கு நான் ஒலி வைக்கவில்லை

உன் அழைப்புகளின் போது மலர் வாசம் வீசுகிறது

என் பேசியில்!

4) என் பேசியில் எதையும் 2 முறை அழுத்த வேண்டியிருகிறது

என்கிறாய் நீ! - உடனே என்னையும்

அவளிடம் கொடுத்து விடு

என்கிறது என் பேசி!

5) நேரில் உன் பார்வைகளுக்கு பதில் சொல்ல முடிவதில்லை

பேசியில் உன் கேள்விகளுக்கு பதில் சொல்ல முடிவதில்லை!

இருந்தும் உன் கேள்விகளுக்காகவே கிறுக்குத்தனம் செய்கிறது

மனது!

6) உன்னிடம் பேசிய பிறகு இசை கேட்க முடிவதில்லை

என் பேசியில்! - ஏன் என்று கேட்டால்

இப்போதுதானே அவள் குரல் கேட்டாய்!

அதைவிட இனிது ஒன்றுமில்லை இந்த இசையில்

என்கிறது!

காதல் தேவதை பதவி!

2011-05-02T06:54:00.000-07:00

உனக்கு மட்டும் குறுஞ்செய்தி அனுப்பிய பிறகும்

வெளிச்சம் இருந்து கொண்டே இருக்கிறது என் பேசியில்!

நண்பர்களின் நடுவே நான் நிற்கையில்

நீ அழைத்தால் மகிழ்ச்சியை விட மமதை கொள்கிறது மனது!

நீ புன்னகைத்தால் புரிந்துவிடும் எனக்கு - புரிவதே

இல்லை உன் பேச்சு வழக்கு!

உன் குழந்தை கோவம் காணவே - நான்

காதல் குறும்பு செய்கிறேன்!

உன்னை தேடி வரும்போதெல்லாம் சாலையின்

இருபுறமும் நீயே தெரிகிறாய்!

காதல் தேவதை பதவிக்கு ஆள் எடுக்கிறார்களாம்

உன்னை போட்டியிட சொல்லி என் உயிரை எடுக்கிறார்கள்!

ஒரு நாள் ஒரு கனவு...

2011-02-22T07:36:00.000-08:00

அதிகாலை 3 மணி...

"என்னடா நேத்து கூப்டியா?"

"ஆமா அண்ணே! அப்பாட்ட சொல்லி வண்டி சாவி தர சொல்லுனே!" என்றான் தம்பி.

"டேய்! நா சொன்ன அவரு கேட்பாராடா?"

"நிச்சயமா கேட்பாருன்னே".

"சரிடா, பேசி பாக்குறேன்" .

"சரிண்ணே" .

அன்று இரவு...

"ப்பா! பா...!"

"ம்ம்! ம்ம்"

தம்பி வண்டி சாவி கேட்கறான், கொடுங்களேன்!"

"அது,உனக்குன்னு வாங்குன வண்டிடா!".

"தெரியும்பா, ஆனா அந்த வண்டிய நான் ஓட்டவா போறேன்?"

" ஏற்கனவே உன்ன இழந்துட்டு நாங்க படுற அவஸ்தை இருக்கே.வேண்டாண்டா, ரொம்ப பயமா இருக்கு!"

"என்னப்பா பண்றது? அது என் விதி! வண்டி வாங்குன அன்னிக்கே போய் சேந்துட்டேன்".அவனை நா பாத்துக்குறேன், நீங்க கவலை படாதீங்க "

"நீ சொல்லித்.... "

"என்னங்க, என்னங்க என்ன தூக்கத்துல புலம்புறிங்க?" எதாவது கனவா?

"ம்ம்! ஆமாம், நம்ம பெரிய புள்ளதா, அவனக்கு நேத்து திதி கொடுத்தொம்ல அப்ப சின்னவன் வண்டி வேணும்னு, அவன்கிட்ட வேண்டிகிட்டானாம் , அதான் இவன் இன்னிக்கு வந்து கொடுக்க சொல்றாண்டி!

வேண்டாங்க! பயமா இருக்குங்க!

அதான் நானும் சொன்னேன், விடுங்க நா பாத்துக்குறேங்குறான்!

மறு நாள் காலை 3 மணி ...

"ண்ணே! அப்பா சாவி கொடுத்துடாருன்னே!"

"சரிடா, ஜாக்கிரதையா ஓட்டனும், அவங்களுக்கு tension கொடுக்காதே!".

"சரிண்ணே". ரொம்ப thanksna

குறிப்பு:-
ஒன்னு சொல்ல மறந்திட்டேன். நான் இறந்து 3 வருஷமாகுது, .
அன்றிலிருந்து நான் அவ்வபோது என் வீட்டில் இருப்பவர்களுடன் கனவில் பேசிகொண்டிருகிறேன்.

உன் கிசு கிசு குரலின் சுவை!

2011-02-19T23:12:00.000-08:00

1) நீ அணிந்திருந்த ஆடையை போல

இங்கும் ஒரு பெண் அணிந்திருக்கிறாள் - என்கிறாய் நீ!

உன் அழகு வெளிச்சத்தில் உன் ஆடைகளின்

நிறங்கள் என் கண்களுக்கு புலப்படுவதே இல்லை!

2) புதிதாக வாங்கிய கொலுசினை

அணிந்து வந்து

என்னிடம் "நல்லாருக்கா?"

என்று நீ கேட்டபோது

உன் கால்களை அடைந்த

மகிழ்ச்சியில் ஊமையாகி போன கொலுசுகளை

போலவே நானும் ஆகிறேன்!

3) எளிதாய் துவங்கி விடுகிறாய்

உரையாடலை !

முடிக்க முடியாமல் அல்லாடுகிறேன் நான்!

4) "சொல்லுடா! அப்பா பக்கத்தில இருகார்"

என்ற உன் கிசு கிசு குரலின் சுவையை அறிய வைத்ததற்கே

உன் தந்தைக்கு ஆயிரம் கோவில்கள் கட்டலாம்!

ஒவ்வொருமுறையும் !

2010-11-24T07:22:00.000-08:00

ஒவ்வொருமுறையும் சொல்ல நினைத்து
உன் பின்னால் வரும்போதும்
இந்த முறை
நண்பனின் பயமுறுத்தலுக்கும்
சகோதரனின் கேலிக்கும்
தோழியின் நகைப்புக்கும்
ஆளாககூடாதென்று
சொல்லிவிடத்தான் நினைக்கிறது மனது!

இவர்களிடம் கத்தி திரிகிற என் காதல்
உன் பார்வைக்கு முன் ஊமையாவதால்
இந்த முறையும் சொல்லாமலே திரும்புகிறது
உன்னை பின்தொடரும் என் காதல்!

உன் அழகும்! என் காதலும்!

2010-10-31T06:10:00.000-07:00

முதல் நாள் பள்ளி செல்லும்
குழந்தையை போல அலறி துள்ளி குதிக்கிறது
உன் அழகு!
வேலையிருந்து ஓய்வு பெறுபவனின்
கடைசி நாளை போல் மௌனபட்டு கிடக்கிறது
என் காதல்!

நண்பனின் பிறந்தநாள் மகிழ்ச்சியை
போல் அமர்களபடுகிறது
உன் அழகு!
நண்பனின் மரணத்தை போல்
கலக்கம் கொள்கிறது
என் காதல்!

காதலிக்கு தரும் ஒற்றை ரோஜாவை
போல தனித்து நிற்கிறது
உன் அழகு!
இறுதி சடங்கில் நசுங்கிவிடும்
பூவை போலஆகிவிடுகிறது
என் காதல்!

சிறுமி, காதலி, மனைவி, தாய், கிழவியாகி
இறந்து விடுகிறது
உன் அழகு!
இன்னும் பிரசவமாகாத கர்ப்பமாகதான்
இருக்கிறது
என் காதல்!

இப்ப நான் என்ன செய்ய?

2010-07-17T22:28:00.000-07:00

1 Message received என்று என் மொபைல் போனில் வந்தவுடன் நான் அதை எடுத்து பார்பதற்குள் 1 என்பது மிக வேகமாக 2,3,4,5,..10 Messages received என்று வந்திருந்தால் நிச்சயமாக அது அவன்தான் "ரமேஷ் ". அந்த 10 செய்திகளும் தாங்கி வந்த ஒற்றை செய்தி இதுவாகதான் இருக்கும் "I m ready. r u ready?".

அவன் எப்போதும் அப்படித்தான், நாங்கள் எங்கேனும் செல்வதாக இருந்தால், நான் கிளம்பிவிட்டனா என்று என்னிடமிருந்து வேகமான பதிலை பெறுவதற்காக தொடந்து 10 செய்திகளை அனுப்புவான்.

இன்று நான் கிளம்பி வாசலுக்கு சென்ற பிறகும் கூட அவனது செய்திகளை காணவில்லை. அப்போதுதான் என் மொபைல் போனில் "Govalu calling..." என்று வந்தது, அட! மிஸ்ட் கால் தர கூட பாலன்ஸ் இல்லை என்பவன் இன்று கால் செய்கிறானே என்று எடுத்தவுடன் அவன் சொன்னான்.

"மச்சி! ரமேஷ் முதல்ல போய் டிக்கெட் எடுக்க போறேன் சொல்லி கிளம்பி போனவன், போற வழியிலே ஆக்சிடென்ட் ஆகி ஹெல்மெட் போடததனாலே தலையிலே அடிப்பட்டு ஸ்பாட்லேயே போயடண்டா, நீ சீக்ரம் கிளம்பி வா மச்சி".

இப்போது மீண்டும் 1 Message received என்று என் மொபைல் போனில் வந்தது, நான் அதை எடுத்து பார்பதற்குள் 1 என்பது மிக வேகமாக 2,3,4,5,..10 Messages received என்று கொட்டி தீர்த்து விட்டது.அவன்தான்,விபத்திற்கு முன் அவன் அனுப்பிய செய்தி இப்போதுதான் என் மொபைலில் டெலிவரி ஆகிறது.. இப்போது அந்த 10 செய்திகளும் தாங்கி வந்த ஒற்றை செய்தி இதுதான் "Me going first, u follow me must"

நான் அவனை பார்க்க கிளம்பி கொண்டிருக்கிறேன், நீங்களே சொல்லுங்கள் , இப்போ நான் ஹெல்மெட் போடவா? வேண்டாமா?

விஜய் டிவியும் , செம்மொழி பாடலும்!

2010-07-07T06:44:00.000-07:00

சென்ற மாதம் முழுதும் தொலைகாட்சிகளில் ஒளிபரப்பபட்ட செம்மொழி மாநாட்டு மைய்ய நோக்கு பாடலை கண்டுகளிக்கும் போது , என் அபிமானத்திற்குரிய கெளதம் வாசுதேவ் மேனன் அவர்களுடய சிந்தனை திறத்தை மெச்சி கொண்டிருந்தேன்.

இப்போது பிரச்சினை ஒன்றுமில்லை . மாநாட்டு மயக்கமெல்லாம் தீர்ந்த பிறகு ஒரு நாள் விஜய் டிவி பார்த்து கொண்டிருந்த போது அவர்களின் பாடலை ஒளிப்பரப்ப, அதை பார்த்த எனக்கு எங்கோ ஒரு மின்னல் வெட்டியது . அது தற்செயலாகவும் இருக்கலாம் அல்லது அதிலிருந்து இயக்குனருக்கும் ஒரு மின்னல் வெட்டிருக்கலாம் . அந்த இரு பாடல்களை நீங்களும் பாருங்கள். உங்களுக்கும் மின்னல் வெட்டலாம் .

மு.கு: விஜய் டிவி பாடல் செம்மொழி பாடல்க்கு முன்பே எடுக்கபட்டுவிட்டது .

விஜய் டிவி பாடல்

செம்மொழி பாடல்

நண்பனும், பதிவராகும் ஆசையும்....

2010-06-30T06:43:00.000-07:00

நானெல்லாம் பதிவுலகில் நுழைந்ததே நண்பர்களிடம் படம் (scence ) காட்டுவதற்குத்தான், அதில் என்னை போல் ஒரு ஆர்வக்கோளாறு நண்பன் என் வலைப்பூவை மட்டுமே பார்த்துவிட்டு அவனும் வலைப்பூ தொடங்க ஆசை கொண்டான், அதற்க்கு என்னையே கற்று கொடுக்கும் குருவாக ஏற்றுகொள்வதாகவும் ஒப்புகொண்டான்.

ஒரு நல்ல குருவிற்கு அழகு நல்ல வழிகாட்டுதல்தானே? உடனே நான் அவனிடம் நீ என்னை மட்டும் படித்துவிட்டு பதிவுலகில் நுழைவதைவிட, என் குருமார்களையும் படித்து தெளியவேண்டும் என்று கூறி பதிவுலகின் ஆதர்ச நாயகர்களான பரிசல். கார்கி, கேபிள், சரவணகுமரன் போன்றோரை படிக்குமாறு கூறினேன்.

இரண்டொரு நாள் கழித்து வலைப்பூவை தொடங்கலாமா? என்று கேட்க , அவன் இன்னும் அவார்களை படித்து முடிக்கவில்லை என்றும் , இப்போது தனக்கு எழதும் ஆர்வத்தைவிட, படிக்கும் ஆர்வமே அதிகம் உள்ளது என்கிறான். நானும் அவனது படிக்கும் ஆர்வத்தை மெச்சிவிட்டு அவனிடம் சொன்னேன் " மச்சி!நீ வந்துடேல்ல இனிமே கூவம் சுத்தமாய்டும் ".

நீ...

2010-06-21T06:36:00.000-07:00

நீ
இருக்கும் நம்பிக்கையில்தான்
அமாவசை அன்று நிலவு
விடுப்பு எடுத்துகொள்கிறது!

நீ
படிப்பாய் என்றுதான்
வாரம் தவறாமல்
வார இதழ்கள் வெளிவருகின்றன!

நீ
இடுவாய் என்றுதான்
சுண்ணாம்புக்கல் கோலமாவாக
உடைகிறது!

நீ
தரும் மணமே
போதுமென்றுதான் காகித பூ
மணம் வீசுவதில்லை!

நீ
காதலிப்பாய் என்றுதான்
நானும் கூட
காத்திருக்கிறேன்!

.....செ.சுந்தரராஜன்....

யாரடி நீ?

2010-06-12T07:14:00.000-07:00

யாரடி நீ?

என் இருவிழிகளொன்றும் குருடில்லையே!

எங்கிருந்தாய் நீ?

நான் இதுவரை உன்னை கண்டதில்லையே!

பேருந்தின் ஜன்னலோரங்களில் அமர்ந்து

நான் தேடுவது உனைத்தான் என்று

உன்னை பார்க்கும்வரை நான் அறியவில்லையே!

உறவினர்களின் திருமண புகைப்படங்களில்

தேடி! தேடி! நான் பார்த்த பெண்களில்

சத்தியமாக நீயில்லையே!

கல்லூரி தோழிகளில் நீயிருக்க வாய்ப்பில்லை!

அவர்களின் தோழியாகவது இருந்திருப்பாயா?

என்று எனக்கு தெரியவில்லையே!

இவைகளில் நீ இல்லாதது

என்னுடன் மணமேடையில் மணபெண்ணாக

இருக்க போவதற்குத்தான் என்பதில்

எனக்கொன்றும் மறுப்பில்லையே!

என் காதலியே!

எப்படியும் நீ ஆகிவிட வேண்டும்

என் மனைவியே!

இதில் உனக்கொன்றும் மறுப்பில்லையே?

.........செ. சுந்தரராஜன்.......

மீண்டு(ம்) வந்தேன்!

2010-02-06T22:43:00.000-08:00

பதிவுலக நண்பர்கள் அனைவருக்கும் என் வணக்கம். இத்தனை நாளாய் நான் ஒரு வளர்ந்து வரும் ஒரு பதிவர்( சொல்லிகிட்டாங்க) என்னால் எழுதமுடியாமல் போனது துரசிர்ஷ்டம்தான்(எங்களுக்கு அதிர்ஷ்டமாச்சே). ஆனால் இனிமேல் தொடர்ந்து எழுத முயற்ச்கிறேன்.

உங்கள் ஆதரவை வேண்டுகிறேன் . மீண்டும் ஒரு நல்ல பதிவில் சந்திக்கிறேன்.

நன்றி!

----செ. சுந்தரராஜன்----

கும்பகோணம் பதிவர்களே! 1 நிமிடம்

2009-12-02T05:20:00.000-08:00

இந்த தலைப்பை எழுதும் முன் நான் 1000 முறை யோசித்தேன் , கும்பகோணம் பல அறிஞர்களையும், படைப்பாளிகளையும் உருவாக்கி இருந்தாலும் பதிவர்கள் யாரேனும் இருக்கிறார்களா? என்பது சந்தேகமாவே உள்ளது.

எனவே இந்த பதிவை படிக்கும் கும்பகோணத்தை சேர்ந்த பதிவர்கள் (நீங்க பதிவர் இல்லைனாலும் பரவாயல்லை, படிச்சா என்னை தொடர்பு கொள்ளுங்கள்). என் நண்பர்கள் யாருக்கும் blog என்ற ஒரு விஷயம் பற்றி தெரியவில்லை. எனவேதான் நான் நாம் நகரத்தை சேர்ந்த வலைபதிவில் ஆர்வமுள்ளவர்களை சந்திக்க விரும்புகிறேன்..

என் கைபேசி எண்: 9994916530

மின்னஞ்சல் முகவரி: sundararajanit@yahoo.

மற்ற பதிவர்கள் மன்னிக்கவும், ஆணி மலையொன்று எனக்காக காத்திருப்பதால் தொடர்ந்து பதிவுகள் எழுத முடியவில்லை, அடுத்த பதிவுக்கு ஒரு புதிய விஷயம் பிடித்திருக்கிறேன், அதுவரை கொஞ்சம் பொறுங்கள்....

சந்திப்போம்...

........செ.சுந்தரராஜன்....

ஒரு பாடல்! ஒரு விளம்பரம்!ஒரு நிகழ்ச்சி!

2009-11-18T05:40:00.000-08:00

அந்த அடை மழை நாளில் தொலைகாட்சி என் கைகளில் சிக்கிய வேளையில் சட்டென்று ஒரு சேனலில் என் பார்வை நின்றது. ஈரம் படத்தின் பாடல் அது, நிஜ மழை தந்த கடுப்பையெல்லாம் அந்த பாடலில் படமாக்கப்ட்டிருந்த மழை மறக்க வைத்தது. பெரும்பாலும் நீங்கள் அந்த பாடலை பார்த்திருக்க கூடும் எனினும் இதோ என் மகிழ்ச்சிக்காகவும் உங்களுக்காக....

---------------------------------------------------------------------------------------
ஹிரித்திக் ரோசஹ்னக்கு என்ன வயது இருக்கும் என்று தெரியவில்லை! என்னமாய் ஆடுகிறார் மனிதர். அந்த புதிய ரிலையன்ஸ் விளம்பரதைதான் சொல்கிறேன் . இசையும் ஒளிப்பதிவும் ச்சே!வாய்ப்பே இல்லை . நான் முதலில் இந்த விள்மபரத்தின் இசையை மட்டுமே கெட்டு கொண்டிருந்தேன் . இரண்டு நாட்களுக்கு முன்னர் தான் பார்க்கும் வாய்ப்பு கிடைத்தது. இதில் அந்த எலிகளாக மாறும் விஷயங்கள் என்னவென்று புரிகிறதா ? (புரிந்தவர்கள் பின்ன்டூங்களில் சொல்லுங்கள்)ஹோட்ஸ் ஆப் ஹிரித்திக் .

----------------------------------------------------------------------------------
விஜய் டிவியில் மாலை 6.30 க்கு நாங்கதான் சூப்பர் ஸ்டார்ஸ் என்று ஒரு சீரியல் ( என்று நினைக்கிறேன்), அதில் ஒரு சிறுமி வயதுக்கு வந்தவுடன் ஒரு தந்தையின் மன நிலையையும், அதற்க்கு பிறகு அவரிடம் மாற்றத்தை உணரும் அந்த சிறுமியின் மன நிலையையும் மிக எதாதார்தமாக படமாக்கி இருந்தனர். அருமை, முடிந்தால் நீங்களும் (ஒரு நாள் மட்டும்) பாருங்கள்....
---------------------------------------------------------------------------------
ரொம்ப நாளைக்கு அப்புறம் வந்திருக்கிறேன், வோட் போடுங்கப்பா!

...............செ.சுந்தரராஜன்..............

வர்ட்டா! வர்ட்டா! வர்ட்டா!என் ஊரே வர்ட்டா!

2009-11-10T21:53:00.000-08:00

என் திண்டுக்கல் வாசம் இன்றுடன் நிறைவு பெறுகிறது. இங்கு வந்த வேலை முடிந்ததால் மீண்டும் கும்பகோணத்திற்கே செல்கிறேன். நினைத்து பார்த்தால் திண்டுக்கல் என் வாழ்கையில் பல மறக்க முடியாத நினைவுகளை அளித்திருக்கிறது. நான் வலைபதிவு உலகிற்க்குள் நுழைந்ததே இங்கு வந்த பிறகுதான்.என்னதான் ஊருக்கு செல்வதை நினைத்து மகிழ்ந்தாலும் இங்கு கிடைத்த நண்பர்கள் லெனின், ஆண்டோ, விஜயகுமார் (வழக்கறிஞர்) எல்லாரையும் (யப்பா! எல்லார் பேரையும் போட்டாச்சு) விட்டு செல்வதை நினைக்கையில் மனது கனத்து போகிறது.

-----------------------------------------------------------------------------------------------

திண்டுக்கல்லில் இருந்த வரையில் (இன்று வரை) அண்ணனின் வீட்டில் தங்கி இருந்ததால், அவரின் பெண் குழந்தை k.g - II படித்து கொண்டிருக்கிறாள். அவளை பள்ளி பேருந்தில் ஏற்றிவிட நான் செல்வது வழக்கம், தினமும் ஏதாவது ஒரு விசயத்திற்காக என்னிடம் சண்டையிடும் அவள், நான் ஊருக்கு செல்வது அறிந்ததாலோ என்னவோ இன்று பேருந்தில் ஏறி இருக்கையில் அமர்ந்தவுடன் என்னை பார்த்து புன்னகைத்தாள். அவளின் புன்னகை என்னை இங்கே இருக்க சொல்கிறதா? அல்லது நான் ஊருக்கு போவதிற்காக மகிழ்ச்சியா? தெரியவில்லை. ஆனாலும் அவளின் புன்னகை..

பெரியவர்கள் புன்னகைக்கும் போது அழகாக தெரிகிறார்கள்.

குழ்ந்தைகள் புன்னகைக்கும் போது புன்னகை அழகாக இருக்கிறது...

இது அவள் இல்லை

------------------------------------------------------------------------------------------------------

இனி தொடர்ந்து பதிவு எழுவது கொஞ்சம் கடினம்தான், முடிந்தவரை முயற்சி செய்கிறேன் ( ஏன்? நாங்க சந்தோசமா இருக்கிறது பிடிக்கலையா?). நேரம் கிடைத்தால் உடனே வலைக்கு வந்து உங்களுக்கு பதில் சொல்கிறேன். எனவே அடுத்த பதிவுக்கு சிறிது நாள் ஆகலாம், உங்கள் பின்னூடகளுக்கு பதிலளிக்க நேரமானால் யாரும் கோபித்து கொள்ள வேண்டாம் (என்னமோ பின்னூட்டமா கொட்ற மாதிரி).

மீண்டும் சந்திக்கலாம்

இது நான் தாங்க!

--------செ.சுந்தரராஜன்--------

சில நேரங்களில்! சில ஊர்களில்! ஸ்ரீ பெரும்புதூர்

2009-11-09T21:38:00.000-08:00

நான் சென்னையில் இருந்த அந்த ஆறு மாத காலத்தில் எனது வார இறுதி நாட்களை எல்லாம் ஸ்ரீ பெரும்புதூர் ஆக்ரமித்து கொண்டது, எனது மற்றொரு அத்தை இங்குதான் உள்ளார். நான் ரசிக்கும் ஊர்களில் இந்த ஊர்க்கென்று தனி இடமுண்டு. ஒரு பக்கம் பெரிய நிறுவனங்கள் ஊரினை (ஊருக்கு வெளியிலதான், காஞ்சிபுரம் செல்லும் வழி) ஆக்ரமித்திருந்தாலும் அமைதியான ஒரு நகரம் (??).
ஸ்ரீ பெரும்புதூர்

பொதுவாக பெரிய ஊர்தான் என்றாலும் நல்ல வளர்ச்சியடைந்த, எல்லா அடிப்படை வசதிகளும் கிடைக்க கூடிய ஒரு கிராமம் போன்றுதான் காட்சியளிக்கிறது. என் வாழ்க்கையின் ஒய்வு நாட்களை இந்த ஊரில் கழிக்க வேண்டும் என்ற எண்ணம் ஒன்று மனதில் ஓடிக்கொண்டே இருக்கிறது, ஆனால் அதற்குள் இந் நகரின் வளர்ச்சியை நினைத்தால்!!!!

வரலாறு

மேற்கண்ட படத்திலுள்ளது போல் விஷ்ணு பக்தர் ராமானுஜர் அவதரித்த இடம் என்பது மட்டுமே தெரியும், மற்றபடி தோற்றம் தெரியவில்லை. நிறைய திரைப்படங்களில் வருகிறது ராமானுஜர் கோவில் குளம், முக்கியமாக கே.எஸ்.ஆர் படங்களில்.

சிறப்பம்சங்கள்

ஸ்ரீ பெரும்புதூர் என்றதும் நினைவுக்கு வருவது முன்னாள் பிரதமர் ராஜீவ் காந்தி அவர்களின் நினைவிடம் என்பது சற்றே வருந்த கூடிய விஷயம்தான். எனினும் தொடர்ந்து காங்கிரஸே ஆட்சியில் இருப்பதாலோ என்னவோ தெரியவில்லை நினைவிடத்தின் பராமரிப்பு அசர வைக்கிறது. நீங்கள் உள்ளே எங்கேனும் ஒரு சிறிய காகித துண்டினை கூட கண்டெடுக்க முடியாது.அவ்வளவு சுத்தம். (நான் கொண்டு குப்பை போட்டால் என்ன செய்வீர்கள்? என்று கேட்டால்,1. உள்ளே நுழைந்தவுடன் குப்பை போடும் ஆசை உங்களுக்கே போய்விடும்!

2.வெளியில் துப்பாகியுடன் இரண்டு பேர் உங்களை சோதனை செய்த பிறகே உள்ளே விடுவர்)..

ராஜீவ் காந்தி நினைவிடம் சில புகைப்படங்கள்

ஸ்ரீ பெரும்புதூரின் மற்ற சிறப்பம்சங்கள் என்றால் உலகளாவிய நிறுவனங்களின் கிளைகளும், ராமானுஜர் கோவிலும் தான்...

கோவில்கள்

இங்கு நிறைய கோவில்கள் இருந்தாலும் ராமானுஜர் கோவில்தான் புகழ் பெற்றது. இக்கோவிலும் நிறைய திரைபடங்களில் வந்திருக்கிறது, நல்ல பெரிய கோவில். விஷ்ணு ஸ்தலம்...

மக்கள்

இவ்வூரில் நிறைய பேர் தெலுங்கு பேசுபவர்கள், வீட்டை விட்டு வெளியே நிற்பவர்களை பார்ப்பது அபூர்வம்.யாருடனும் வீணாக பேசி பொழுதை கழிப்பதில்லை , ஆனால் அதற்காக எதாவது கேட்டால் கூட 5 நிமிடம் யோசித்து விட்டே பதில் சொல்கிறார்கள். கையில் நிறைய காசு வைத்திருந்தாலும் மேலும் எப்படி பொருளீட்டுவது என்ற சிந்தனை உடையவர்கள்.

கொரிய தேச நிறுவனங்களின் ஆக்கிரமிப்பால் கொரிய மக்கள் நிறைய பேர் வசிக்கின்றனர்.(t.nagar bus stand லிருந்து ஸ்ரீ பெரும்புதூர் செல்லும் பேருந்தில் அமர்ந்திருப்பவர்களில் குறைந்தது 10 கொரிய நாட்டினர் இருப்பார்கள்).

பொருளாதாரம்

நிறைய திருமணமாகத வெளியூர் இளைஞர்கள் இருப்பதால் பெரும்பாலும் வீடு வாடகைக்கு விடுவதன் மூலம் சம்பாதிகின்றனர். ஒரளவு தன்னிறைவு அடைந்திருந்தாலும் ஏழைகள் நிறைய உண்டு.

நேரமிருந்தால் சென்னைவாசிகள் கடற்கரைக்கும், city centre க்கும் போவதை விட ஸ்ரீ பெரும்புதூர் சென்று ராஜீவ் காந்தி நினைவிடத்தையும், அதன் சுத்தத்தையும் அமைதியும் அனுபவித்து விட்டு வாருங்கள்.

மீண்டும் சந்திக்கலாம்.( அனேகமாக திண்டுக்கல்)

..............செ. சுந்தரராஜன்...........

வுட்டா நீயே ஐடியா கொடுப்ப போல இருக்கு!

2009-11-06T07:30:00.000-08:00

"உன் கை விரல்கள் மெல்ல மெல்ல button அமுக்கி! உன் இனிமையான குரலில்..."

சொல்லு ரமேஷ்!

ம்! என்னடா பண்ணிட்டிருக்க?

office ல தான் இருக்கேன் சொல்லு

இல்ல சும்மாதான் போட்டேன், நல்லா இருக்கியா?

ம்! இருக்கேண்டா! எதாவது படம் பாத்தியா?

ஆமாண்டா! "கண்டேன் காதலை"பார்த்தேன், பரவால்ல பாக்கலாம்!

படம் இருக்கட்டும்! போற போக்க பாத்த தமன்னா படம் ஒன்னு வுடாம இவங்க்ய்ளே வாங்கிடுவாங்க போல

நீ ஒன்னு! இனிமே எல்லா படத்தையும் இவங்க வாங்கிடுவாங்க போல, வாங்கலனாலும் நம்ம ஆளுங்க c.m ட்ட சொல்லி போராட்டம் பண்ணியாவது வாங்க வச்சிடுவாங்க போல இருக்குடா!

அது சரி! எல்லா படத்தையும் இவங்களே வாங்கின எப்படிடா விளம்பரம் பண்ணுவாங்க?

அவங்க அதுக்குனே தனி channel கூட ஆரம்பிப்பாங்க!

ங்கொய்யால! வுட்டா நீயே ஐடியா கொடுப்ப போல இருக்கு! வைடா phone அ! office time ல disturb பண்ணிக்கிட்டு!

பிடித்தவர் & பிடிக்காதவர் - 10 (நோ! உள் குத்து)

2009-11-04T02:32:00.000-08:00

கார்கியே என்னை தொடர அழைக்குமளவுக்கு நான் நல்ல (பிரபல) பதிவரா? எனக்கே சந்தேகம்தான். நானும் வலைப்பதிவு உலகிற்கு வந்த நாளிலிருந்து என்னை யாரும் இந்த மாதிரி அழைக்க மாட்டார்களா ? என ஏங்கியது உண்டு என்பதை நான் இங்கே சொல்ல மாட்டேன். any way நன்றி கார்கி.

இந்தப் பதிவோட விதிகள்:
1. பிடித்தவர்களும், பிடிக்காதவர்களும் தமிழ்நாட்டிற்குள்ள இருக்கணும்.
2. நீங்க இதை எழுத அழைக்கிற பதிவர் குறைந்தது இருவராகவும், அதிகபட்சம் ஐவராகவும் இருக்கலாம்
3. பிடித்தவரோ, பிடிக்காதவரோ கண்டிப்பாய் பிரபலமானவராய் இருக்க வேண்டும். அவங்களை உங்களுக்கு இப்பத்தான் பிடிக்கல, பின்னாடி பிடிக்கலாம்ங்கற சமயத்தில தற்போது-ன்னு சேர்த்திக்கலாம்.
4. கேள்விகள் குறைந்தது ஏழு இருக்கணும். ஆனா பத்தைத் தாண்ட வேண்டாம்.

......................................................

பதிவுக்கு செல்லலாம்....

1.அரசியல் தலைவர்

பிடித்தவர் :ப. சிதம்பரம்

பிடிக்காதவர்: தொல். திருமாவளவன்

2.எழுத்தாளர்

பிடித்தவர் : எஸ். ராமகிருஷ்ணன்

பிடிக்காதவர்: ஜெயகாந்தன்

3.கவிஞர்

பிடித்தவர் : தபு சங்கர்

பிடிக்காதவர்: வைரமுத்து

4.இயக்குனர்

பிடித்தவர் : கௌதம் வாசுதேவ் மேனன்

பிடிக்காதவர்: பாலா

5.நடிகர்
பிடித்தவர் : கமல்

பிடிக்காதவர்: ஸ்ரீ காந்த்

6.நடிகை
பிடித்தவர் : பூனம் பஜ்வா

பிடிக்காதவர்: ப்ரியாமணி

7. தொழிலதிபர்
பிடித்தவர் : சக்தி மசாலா( பெயர் தெரியலைங்கோவ்)

பிடிக்காதவர்: நாட்டுல இந்த தொழிலதிபனுக தொல்லை தாங்க முடியலை. பூ விக்கிரவனிலிருந்து புண்ணாக்கு விக்கிறவன் வரைக்கும் எல்லாரும் தொழிலதிபர்.

8 . பத்திரிகையாளர்

பிடித்தவர் : ஆனந்த விகடன்

பிடிக்காதவர்: குங்குமம்

9. பதிவர்

பிடித்தவர் : பரிசல்காரன்

பிடிக்காதவர்: சாரு நிவேதா

10. நகைசுவை நடிகர்:

பிடித்தவர் : சந்தானம்

பிடிக்காதவர்: விவேக்

இதைத் தொடர நான் அழைப்பது:

1 . விக்னேஷ்வரி
2. தண்டோரா

நாலு...., ஐந்து....,ஆறு....

2009-11-02T05:48:00.000-08:00

நான் பொதுவாக வெளியூர்க்கு செல்லும் நேரங்களில், இரவு நேரமென்றால் பேருந்திலோ, பகல் என்றால் ரயிலிலோ முன்பதிவு செய்துதான் செல்லுவேன். ஆனால் என்ன செய்ய? (விதி வலியது) திண்டுகலிருந்து கும்பகோணத்திற்கு முன் பதிவு கேட்டாலே ஏற, இறங்க பார்கின்றனர். எனவே வேறு வழியில்லாமல் திருச்சி சென்று மாறி செல்லலாம் என்று திருச்சி வண்டியில் ஏறி இடம் பிடித்து விட்டேன்.

உள்ளே இருந்தவர்கள் எல்லாம் bar இலிருந்து நேரே வந்தவர்கள் போலும், நல்ல (!?!?!?!) வாசனை. விதியை நொந்தவாரே தூங்கலாம் என்று கண் முடி சிறிது நேரத்தில் "புறப்படடா தம்பி புறப்படடா" என்று தாய் மீது சத்தியம் செய்த hero ஆரம்"பிக்க". (யார் அந்த hero என்று கேட்பவர்கள் முழுதாக படித்துவிட்டு கீழே வரவும்).

"புறப்படுபவர் சாலையில் ஓட்ட வேண்டிய குதிரையை என் காதுக்குள் ஓட்ட ஆரம்பித்தார். எனக்கோ சரியான கடுப்பு மேலோங்க நான் அதே கடுப்புடன் conductor ஐ அழைத்து சத்தத்தை குறைக்க சொன்னேன். அதற்க்கு அவர் சொன்னார்

"sound அ குறைச்சா driver தூங்கிடுவார் sir" என்றார்.

அப்புறமென்ன "தூங்கிடுவாரா? ரொம்ப பயமுறுத்துராங்க்ய்களே என்னையே" என்றவாரே முழித்திருந்து ஊர் போய் சேர்ந்தேன்.

----------------------------------------------------------------------------

கூகிள் தேடு பொறியில் நம் வசதிக்காக அந்தந்த இந்திய மாநில மொழியில் தேடும் வசதி இருப்பது எல்லாருக்கும் தெரிந்ததே.

நானும் அதிக தமிழ் ஆர்வத்தின் காரணமாக தமிழ் மொழியின் மூலம் தேடலாமென்று தமிழ்க்கு மாற்றி முதல் எழுத்தை தட்டச்சு செய்தவுடன் வந்த suggestion களை பார்த்தவுடன் அந்த முடிவை கை விட்டு விட்டேன். நமது மொழி இணையத்தில் எந்தளவுக்கு பயன்படுகிறது என்று நீங்களும் பாருங்களேன்.

முக்கியமான விஷயம் நீங்கள் இதை முயற்சிக்கும் போது உடன் யாரும் இல்லாத நேரத்தை தேர்ந்தெடுக்கவும். இல்லையென்றால் நான் பட்ட சங்கடத்தை நீங்களும் சந்திக்க நேரிடும்.
---------------------------------------------------------------------------

அந்த தாய் மீது சத்தியம் hero இவர்தான்.

song bonus... (யான் பெற்ற இன்பம்)

டிஸ்கி: அதென்னப்பா எல்லாரும் ஒன்.. டூ.. த்ரீ... அப்டின்னு தலைப்பு வைகிறீங்க. நான் கொஞ்சம் வித்தியாசமானவன்..

இந்த நாள் அன்று போலில்லையே!

2009-10-30T05:03:00.000-07:00

அம்மாவின் அன்பையும்
அப்பாவின் ஐடியாக்களையும்
தம்பியின் மரியாதையையும்
காதலியின் காதலையும்
நான் தவறவிட்ட காலங்களில்
நான் தவறாமல் பெற்றது
உன்னைத்தான்!

என்னுடன் என் வீடு
இல்லாத நேரங்களிலும்
நீ இருந்திருகிறாய்!

தாயின் கருவில் நான்
இருந்த நேரங்களை விட
உன்னுடன் தெருவில் இருந்த
நாட்கள் பாதுகாப்பானவை
எனக்கு!

நம் உறவில் குறைகள்
இல்லாத போதும் - நாம்
பரிசளித்துகொண்ட அறைகளை
மறக்கவில்லை நான்!

மனைவியாலும் பிரிக்க
முடியாத நம் உறவு
அவளின் மரணத்திற்கு பிறகு
நம் பிள்ளைகளால் பிரிக்கப்பட்டவுடன்
"நண்பா"
என்ற வார்த்தைகள் என்
செவிகளில் கேட்கும் நேரங்களில்
உன் முகம் மட்டுமே எனக்கு தெரிகிறது!

..........செ. சுந்தரராஜன்.....

உனக்கென்ன?

2009-10-26T07:45:00.000-07:00

என் கனவுகளில் நீ வருவதில்லை
நீயே எனக்கு கனவாகத்தான்
இருக்கிறாய்!

உன் பின்னால் வந்த ஆண்களை விடுத்து
மக்கள் தொகை கணக்கிடுவதற்கு
பத்து விரல்களே அதிகம்!

மின்னலை படம் பிடித்ததால் தான்
என் புகைப்பட கருவி கெட்டு விட்டதாய்
நண்பன் சொன்னான்!
நான் உன்னை பற்றி சொன்னேன்!
ஆமாம் நீ கூட ஒரு வகையில்
மின்னல்தானே!

செயற்கை மூளை பொருத்தப்பட்ட
உலகின் முதல் ரோபோ உன்னைத்தான்
தேடிகொண்டிருக்கிறதாம் காதலிக்க!
பாவம் அதற்க்கு தெரியாது
நீ இயற்கை மூளை படைக்கப்பட்ட
ஒரு எந்திரம் என்று!

உனக்கென்ன நீ பெண்ணாக
பிறந்துவிட்டாய்!
ஆணாக பிறந்திருப்பது
நானல்லவா!

..........செ.சுந்தரராஜன்.......

சில நேரங்களில்! சில ஊர்களில்! பண்ருட்டி

2009-10-25T22:38:00.000-07:00

தொடரின் அடுத்த நகரம் பண்ருட்டி, ஏற்கனவே குவிந்த (?!!?!!?) பின்னூட்டங்கள் மற்றும் வோட்டுகளின் எண்ணிகையை கணக்கில் கொண்டு மீண்டும் தொடங்குகிறேன். (உடனே பழைய பதிவுக்கு சென்று வோட்டுகளையும், பின்னூட்டங்களையும் பார்பவர்களுக்கு தமிழ் மறந்து போக கடவது)
பண்ருட்டி
கும்பகோணத்தில் இருந்து சென்னை செல்லும் வழியில் 97 ஆவது km இல உள்ள நகரம்.இயக்குனர் மன்னிக்கவும் ஒளி ஓவியர் தங்கர் பச்சனின் சொந்த ஊர் (சொல்ல மறந்த கதை உள்ளிட்ட தங்கர் பச்சன் படங்களில் பார்த்திருக்கலாம்). பண்ருட்டியின் வரலாறு சரியாக தெரியாததால் பண்ருடிக்கும் எனக்கும் உள்ள தொடர்பை பற்றிய வரலாறு இங்கே.
வரலாறு

நான் 4 ஆம் வகுப்பு படித்து(???)கொண்டிருந்த போது எங்கள் ஊரில் சில பிரச்சினைகளின் மூலம் எனக்கு பாதுகாப்பு குறைவு என்று கருதிய என் தந்தை இங்கு என் அத்தை வீட்டில் என் படிப்பை தொடர செய்தார். (ஒரு வருடம் மட்டுமே), இது மட்டுமில்லாமல் எந்த விடுமுறையாக இருந்தாலும் (சனி, ஞாயிறு தவிர) இங்கு வந்து டேரா போட்டுவிடுவேன் என்பதால் இவ்வூரின் சந்து, பொந்து எல்லாம் நல்ல பழக்கம்.

சிறப்பம்சங்கள்
பண்ருட்டி என்றதுமே நினைவுக்கு (எனக்கு) வருவது முந்திரி பருப்புகள், அந்தளவுக்கு இங்கு முந்திரி காடுகளும், முந்திரி தொழில்களும் அதிகம், ஆனால் பண்ருட்டி பற்றி ஓரளவுக்கு தெரிந்தவர்கள் பலாபழம் இங்கு famous என்று நினைத்து கொண்டிருப்பார்கள், ஆனால் வடலூரும், நெய்வெலியும்தான் பலாபழத்திற்கு புகழ் பெற்றவை.

இணையத்தில் பண்ருட்டியின் புகைப்படங்கள் சரிவர கிடைக்கவில்லை, கிடைத்தவரை போட்டுள்ளேன், பொறுத்தருள்க.
கோவில்கள்
பண்ருட்டியின் புகழ் மிக்க கோவில்கள் என்று பார்த்தால்

சோமேஷ்வரர் திருக்கோவில்
தன்வந்திரி கோவில் (நந்தவனம் கோவில்)
திருவதிகை கோவில் (சிறிது தூரத்தில்)

திருவதிகை கோவில் புகைப்படம்

மக்கள்

பண்ருட்டி ஒரு வணிக நகரமென்பதால் இங்கு செட்டியார் மற்றும் மார்வாடி இன மக்கள் அதிகம் உள்ளனர். பெரும்பான்மையோர் சொந்த தொழில் செய்கின்றனர். இங்கு பொற்கொல்லர்களும் நிறைய பேர் உண்டு. மக்கள் அனைவரிடமும் அன்பு செலுத்துகின்றனர் , ஏற்ற தாழ்வு பார்ப்பதில்லை, நல்ல உழைப்பாளிகள், நேர்மையானவர்கள், கோபக்காரர்கள் (நேர்மை தவறும்போது)..

பொழுதுபோக்கு

பண்ருட்டியில் மக்கள் கூட இடங்கள் குறைவு என்ற போதும் கோவில்களும் , திரையரங்களும் , காந்தி பூங்காவும் அந்த குறையை சரி செய்கின்றன. அருகிலயே கடலூர் இருப்பதால் நேரமிருந்தால் உடனே silver beach தான்.

நீங்கள் பண்ருட்டி சென்றால் தங்குவதற்கு ஏற்ற இடம் ரங்கா லாட்ஜ் , ஊரின் புகழ் பெற்ற தங்குமிடம், எல்லா நிலையிலும் அறைகள் கிடைக்கும், உங்கள் வசதிகேற்றத்தை தேர்வு செய்து கொள்ளலாம்.

மறுபடி சந்திப்போம்.

..............செ.சுந்தரராஜன்.........

மஹாஜனங்களே!எனக்கொரு சந்தேகம்!

2009-10-23T04:20:00.000-07:00

   மஹா ஜனங்களே! நானும் ரொம்ப நாளா இத பத்தி பேசணுமுன்னு நினைத்து பின் மறந்து போய்டுவேன்.

                                 அதாவது ஆணியவாதி!பெண்ணியவாதி! அப்டின்னு ரெண்டு group இருக்காங்கனு சொல்றீங்க.இந்த ஆணியம்னா என்ன? பெண்ணியம்னா என்ன? முதல்ல ஆண், பெண் அப்டின்னு ரெண்டு பிரிவு இருக்கா? இல்ல எல்லாம் ஒன்னுதானா? ஏன்னா இவிங்க அடிச்சிகிரத பாக்கும்போது என்னமோ உலகத்துலேயே ஆண் இனம் மட்டும்தான் இருக்கறதாவும், பெண் அப்டிங்கரவங்கலாம் அந்த இனத்த விட்டு தள்ளி வச்ச மாதிரியும், பின் அந்த பதவிய பிடிகிரதுக்காக போராட்டம் பண்ற மாதிரியும் "உரிமைகளை பெறும் வரை ஓயமாட்டோம்!" அப்டினெல்லாம் கோஷம் போடுறாங்க!

                               முதல்ல இந்த பெண்ணியவாதி ஆளுங்ககிட்ட போவோம். நீங்க பெண் அப்டிங்கரத்தை ஒத்துகிறீங்களா? இல்ல மேல சொன்ன மாதிரி ஆண் அப்டிங்கறது ஒரு பதவி, அதை நோக்கி போராடத்தான் போறோம்னு சொல்லுவீங்களா?

ஆண் உங்களை சித்ரவதை பண்றதா சொல்ற காரணங்கள்னு பாத்தா, வீட்டு வேலை செய்ய சொல்றது , அடக்கமா இருன்னு சொல்றது போன்றவைதான் இருக்க முடியும். இது அடக்கு முறை அப்டின்னா நீங்க உங்க கணவரையோ! அப்பாவையோ வேலைக்கு போயோ, தொழில் செய்தோ வருமானம் கொண்டு வாங்கனு சொல்றது அவங்கள பொறுத்த வரையில் அடக்கு முறையா இருக்கலாம் இல்லையா? (நியாயம்தானே)
பேருந்துகளில் போகும்போது பெண்கள் இருக்கையில் ஒரு ஆண் அமர்ந்ததை கண்டித்து ஒரு பெண் சண்டையிடும்போது மன்னிக்கவும் வாக்குவாதம் செயும்போதோ, உரிமைகளை கேட்டு பெறும்போதோ சப்போர்ட் க்கு வர மற்ற பெண்கள், அதே மாதிரி ஒரு ஆண் இருக்கையில் பெண் அமர்ந்தால் ஆண் வாக்குவாதம் செய்யாத பட்சத்தில், அந்த பெண்ணிடம் இருந்து ஆணுக்கு இருக்கையை பெற்று தருவதில்லை. போராளிகளுக்கு இது அழகா? (உண்மைதானே)
ஆணுக்கு பெண் சமம்னும், எங்களுக்கும் எல்லாம் தெரியும்னு சொல்றீங்க! ஆனா ஏதானும் இக்கட்டான சூழ்நிலையில் ஆண்களிடம் சார் ladies தனியா இருக்கோம். help பண்ணுங்க அப்டின்னு கேட்பதேன்? நீங்களே கூட செய்து கொள்ளலாம் இல்லையா? (வாஸ்தவம்தானே)
ஆண்கள் எந்த சூழ்நிலையிலும் எங்களுக்கு கீழானவர்கள் பெண்கள் என்று சொன்னதில்லை. தம்பதியருக்குள் ஏதானும் சண்டை வந்து பெண்களை அடிக்கும் போதோ, திட்டும்போதோ 'போயும் போயும் பொம்பளைகிட்ட போய் உன் வீரத்தை காட்டுறீயே?" அப்டின்னு கேட்டு உங்களை நீங்களே ஏன் தாழ்த்தி கொள்றிங்க. ஏன் வீரமான பெண்கள் இல்லவே இல்லையா? (இருக்கலாம்)
எங்கயாவது நிற்கும் போது பெண்கள் queue வில் உங்கள் ஆண் பிள்ளைகளை ( 12வயது வரை என்று கொள்க) உங்களுடன் சேர்த்து கொள்ள ஆர்வமாயிருக்கும் நீங்கள் மற்ற பெண்களின் ஆண் பிள்ளைகளை சேர்த்து கொள்ள ஆச்சேட்பம் தெரிவிப்பது ஏன்? (என்ன கொடுமை சார்(மேடம்) இது?)
இந்த கருத்தை கூறுவதற்காக சகோதரிகள் யாரும் என்னை கோபிக்க வேண்டாம். பெண்ணுக்கு பெண்ணே எதிரி என்று பெரியர்வகள் கூறியது சிந்திக்க தக்க ஒன்றுதான்.இதை நீங்களே பல இடங்களில் கண் கூடாக பார்க்கலாம் (யா!யா!).
உங்களுக்கு பெண் என்று தாழ்வு மனப்பான்மை அதிகமோ என்று யோசிக்கும்படித்தான் இருக்கிறது உங்கள் போராட்டங்களுக்கான காரணங்கள் எல்லாம். ஒன்றை புரிந்து கொள்ளுங்கள் நீங்கள் இல்லாமல் இவ்வுலகம் இயங்காது. நீங்கள் பெண்களாக இருக்கும் வரைதான் உங்களுக்கு இப்பெருமை.

இறுதியாக ஆண்களுக்கு "அண்ணனுங்களா! நமக்கு இதெல்லாம் ஒரு பிரச்சினையே இல்லை, விட்டு கொடுத்துவிட்டு போய்ட்டே இருக்கலாம். ஏன்னா நமக்கு குயந்தை மனசு." (பெண்கள் யாரும் "ஏன் நாங்கள் விட்டு கொடுக்க மாட்டமா?" என்று சண்டைக்கி சாரி! சாரி! வாக்கு வாதத்திற்கு வர வேண்டாம் என்று கேட்டு கொள்ளபடுகிறது)

......................கருத்து கந்தசாமி ...........

இதுதான் சரியான நேரம்!

2009-10-22T02:32:00.000-07:00

              இதுதான் சரியான நேரம் என்று நினைக்கிறேன். எதுக்கு என்று நீங்கள் கேட்கலாம் (நீங்க கேட்கலனா கூட நான் சொல்லுவேனே). தமிழ் வலை பதிவு உலகத்தில் ஏறத்தாழ அனைவரும் அந்த படத்தை பற்றி நல்ல விதமாகவும் , கேவலமாகவும், விமர்சித்தும் பேசியபோது கூட நான் அந்த படத்தின் பெயரை கூட உச்சரிக்கவில்லை.
(சரி! எழுதவில்லை).இப்போது அந்த படத்தை பற்றிய கருத்துகள் குறைந்ததே இந்த பதிவெழுத சரியான நேரம்.

           அது எந்த படம்? என்று நீங்கள் கேட்கலாம், ஆனாலும் நான் எப்படி சொல்லுவேன்? சொல்லாததுதானே இந்த பதிவை போடுவதற்கு அடித்தளம். கெட்ட வார்த்தையில் என்னை திட்டிவிட்டு நீங்கள் செல்ல நினைக்கலாம், இவ்வளவு ரிஸ்க் எடுத்தும் நான் இந்த பதிவு போட காரணம், நான் அந்த படத்தின் கதாநாகயனின் தீவிர ரசிகன்.(ரசிகன் என்றதும் விஜய் என்று நினைத்து கொள்ளாதீர்கள்)
   என்ன பதிவு போடலாம் என்று யோசித்தபோது அந்த படத்தை பற்றி எழுதாதையே ஒரு பதிவாக எழுதிடலாம் என்று சிந்தித்ததின் பலன்தான் இந்த மொக்கை பதிவிற்கான அடித்தளம் (என்னது மறுபடியும் முதலேர்ந்தா?) .
            அது என்ன படமாக இருக்கும் என்று நீங்கள் பின்னுட்டங்களில்
(ம்! ம்! பின்னுட்டங்கள் வாங்க எவ்வளோ செய்ய வேண்டி இருக்கு(அப்படியே போட்டுட்டாலும்!)) சொல்லலாம்.

டிஸ்கி:தலிவர் படத்தை பத்தி எப்படியாவது எழுதுவோமில்ல (இருக்குஆனா இல்ல)

சில நேரங்களில்! சில ஊர்களில்! கும்பகோணம் - 2

2009-10-21T02:36:00.000-07:00

அப்பாடா! ஒரு வழியா எல்லா ஆணிகளும் முடிந்து விட்டன. பதிவிற்கு செல்லும் முன் வோட்டு போட்ட அனைவருக்கும் நன்றி!
திரையரங்கங்கள்
                                     எங்கள் ஊர்(அடப்பாவி இப்பதாண்டா எங்க ஊர்னு சொல்லி இருக்க) மக்களுக்கு திரைப்படங்கள் மீது உள்ள ஆர்வம்    திரையரங்கங்கள் மீது கிடையாது. இந்த விஷயம் எனக்கு மற்ற ஊர்களுக்கு சென்று திரைப்படங்கள் பார்க்கும் வரை உரைக்கவில்லை. மற்ற ஊர்களின் திரையரங்கங்கள் உடன் ஒப்பிடும்போது இங்கே பராமரிப்பு குறைவு என்றுதான் சொல்ல வேண்டும். இந்த நிலை மாற வேண்டும்.
கல்வி
                   கல்வியில் நாங்கள் யாருக்கும் சளைத்தவர்களல்ல! எல்லா விதமான பள்ளிகளும் இங்கே உண்டு, அவரவர் வசதிக்கேற்ப பயன்பெறலாம்.
ஹி! ஹி
                  எனக்கு தெரிந்த வரையில் பெண்கள்(figures) எல்லா ஊர்களிலும் அழகாகவே இருக்கின்றனர். ஆனாலும் ஸ்ரீ ரங்கத்திலும், கும்பகோணத்திலும்தான் தேவதைகளாகவே இருக்கின்றனர்.(சுஜாதாவின் ஸ்ரீ ரங்கத்து தேவதைகள் படித்தவர்கள் அறிவார்கள்.) நீங்கள் இந்த அனுபவத்தை பெற இங்கு வந்தால் மட்டுமே முடியும். ஜாக்கிரதை எங்கள் ஊர் பெண்கள் மிகவும் தைரியசாலிகள்.(கோவிலில் சாமிகளை வணங்குவது போல, தூரத்தில் இருந்து பார்த்து விட்டு செல்வது உத்தமம்!)

இத்துடன் கும்பகோணம் தொடர் முடிகிறது. அடுத்து எந்த ஊர் என்று உங்கள் யூகங்களை பின்னுட்டங்களில் சொல்லலாம்.

மழை!

2009-10-14T07:04:00.000-07:00

மழை!

நனைந்தது வீடு!

எரிந்தது காமம்!

----செ.சுந்தரராஜன்

சில நேரங்களில்! சில ஊர்களில்! கும்பகோணம் - 2 (ஹி! ஹி)

2009-10-14T03:10:00.000-07:00

என்ன அதிசயம் பாருங்க நான் இந்த பதிவுல எனக்கு பிடுங்க வேண்டிய ஆணிகள் மிக குறைவு அப்டின்னு போட்ட நேரம், ஒரே ஆணிகளாக குவிந்து கிடக்கிறது, நான் மட்டுமே பிடுங்க வேண்டிய நிலைமைக்கு தள்ளபட்டுள்ளேன் (sweet லாம் செய்ய ஆரம்ப்சிடாங்க, நமக்கு சாப்பிடற வேலை இருக்குலா). எனவே இன்று கும்பகோணம் - 2 தொடர் எழுத முடியாத அளவுக்கு நிறைய வேலை செய்து கொண்டிருப்பதால் , தொடர் மீண்டும் அடுத்த வாரம் திங்கள் அல்லது செவ்வாய் கிழமை முதல் தொடரும். இதுக்கு நீ பதிவே போட்டிருக்கலாம்னு சொல்றது எனக்கும் கேட்குது (உடனே உங்க head phone ஐ கழட்டாதிங்க). என்ன பண்றது இப்டியெல்லாம் நடக்கும் என்று தெரிந்துதான் இந்த மாதிரி டெம்ப்ளட் பதிவு ஒன்னு ஆயத்தமா வச்சிருந்தேன்.

நண்பர்கள் அனைவர்க்கும் தீபாவளி நல் வாழ்த்துக்கள்

என் பதிவை எதிர்பார்த்து காத்திருந்த அனைவரிடமும் மன்னிப்பு கேட்டு கொள்கிறேன்.(அது எப்படிரா யாருமே உன் பதிவை படிக்கலனாலும், ஏதோ ஒரு 1000 பேர் படிக்கிற மாதிரியே எழுதுற? அது நா specialty kick க்கு )

மீண்டும் நண்பர்கள் அனைவர்க்கும் தீபாவளி நல் வாழ்த்துக்கள்!

சில நேரங்களில்! சில ஊர்களில்! கும்பகோணம் - 1

2009-10-13T02:28:00.000-07:00

முதலில் இத்தொடருக்காக ஓட்டு பதிவு அனைவருக்கும் நன்றி! வாங்க பயணத்தை ஆரம்"பிக்கலாம்"....

கும்பகோணம்
எனது சொந்த ஊர் கும்பகோணதிலிருந்து 3 km தொலைவில் (தம்பி 3km ங்கறது தொலைவு இல்ல, கிட்ட) உள்ள கொரநாட்டு கருப்பூர் (கோலங்கள் serial ல கூட ஒரு தடவை காமிச்சாங்க) அப்டிங்கற நல்ல வளர்ச்சியடைந்த (என்ன 190 cm இருக்குமா?) எல்லா வசதிகளும் கிடைக்க கூடிய ஒரு அருமையான கிராமம். ஆனா நாம இங்க நகரங்களை பற்றி மட்டுமே பார்ப்பது என்று முடிவு செய்திருப்பதாலும், கும்பகோணம் பற்றிய தகவல்கள் நிறைய இருப்பதாலும்...

வரலாறு
இப்ப எல்லாரும் கலி முத்திடுச்சு, கலி முத்திடுச்சு அப்படிங்கராங்களே அதே மாதிரி இதுக்கு முன்னாடி எப்பவோ ஒரு தடவை இப்படித்தான் கலி முத்திடுச்சாம், உடனே நம்ம சிவபெருமான் கோபம் வந்து நீர் முலமா இந்த உலகத்தை அழிசிட்டராம், அப்பறம் கோபமெல்லாம் குறைஞ்சு மறுபடி உலகத்தை உருவாக்குரத்துக்காக (அவருக்கும் பொழுது போகணுமில்ல) ஒரு கும்பத்தில (கலசம், இப்பயும் புரியலனா குடம்) தன்னோட உயிரணுக்களை வைத்து அந்த நீரில் மிதக்க விட்டராம், அப்புறம் அது சரியான இடத்திற்கு வந்ததும் ஒரு வில்லில் அம்பை வைத்து அந்த குடத்தை பார்த்து விட்டராம், உடனே அந்த குடம் உடைஞ்சு உள்ள இருக்குற உயிரணுக்கள் எல்லாம் நீரில கலந்து உயிரினங்கள்(அமீபா?) எல்லாம் மறுபடி தோன்ற ஆரம்பிச்சுச்சாம், அந்த குடத்தை சிவபெருமான் உடைத்து உயிர் உருவாக செய்த இடம்தான் இன்று குடந்தை எனப்படும் கும்பகோணம் (கும்பம் கோணலாக இருந்ததால் கும்பகோணம்)

சிறப்பம்சங்கள்
(i)மகாமகம்
கும்பகோணம் என்றாலே நினைவுக்கு வருவது மகாமகம் (மகாமக குளத்தின் அமைப்பே கலச குடத்தின் அமைப்பில்தான் இருக்கும்). 12 வருடங்களுக்கு ஒருமுறை வரும் மகாமகத்தன்று இக்குளத்தில் குளித்தால் நாம் செய்த பாவங்களெல்லாம் போய் விடும் என்பது ஐதிகம் (அதுக்கு பிறகு செய்ற பாவங்கள என்ன பண்றதுனெல்லாம் கேட்கக்கூடாது).இப்போதான் 2002 ல் வந்தது இனிமேல் 2014 ல் வரும். முடிந்தால் வாருங்கள்.

மகாமக குளம் சில புகைப்படங்கள்

(ii)கோவில்கள்
கும்பகோணம் என்பது temple சிட்டி (கோவில்களின் நகரம்) என்ற அடைமொழியாலும் அழைக்கப்படுகிறது.அந்தளவுக்கு திரும்பிய இடமெல்லாம் சிறியது முதல் பெரியது வரையிலான கோவில்கள் நகரை அழகுப்படுதுகின்றன. கும்பகோண முக்கிய கோவில்களின் பட்டியல்.

ஆதி கும்பேஸ்வரர் திருக்கோவில்
சாரங்கபாணி பெருமாள் கோவில்
சக்கரபாணி திருக்கோவில்
நாகேஸ்வரர் கோவில்
சோமேஸ்வரர் கோவில்
காளஹஸ்திஷ்வரர் கோவில்
ஐராவதிஸ்வரர் கோவில்
பட்டிச்வரம் துர்கை அம்மன் கோவில்

இன்னும் நிறைய சொல்லி கொண்டே போகலாம்(இதுக்கே கண்ணை கட்டுதே)...
சில கோவில்களின் புகைபடங்கள் இதோ

1.ஸ்ரீ ஆதி கும்பேஸ்வரர் திருக்கோவில்

2.சாரங்கபாணி கோவில்

இன்னும் நிறைய படங்கள் இருந்தாலும் இவையிரண்டும் முக்கியமானவை ,மற்ற கோவில்களை நீங்களே கூட தேடி பார்க்கலாம். பாலகுமாரனின் "பாகசாலை" என்ற புத்தகத்தில் படித்து தெரிந்து கொள்ளலாம்.
(iii) மக்கள்
                     இங்கு எல்லாவகையான மக்களும் பரவி இருந்தாலும், பிராமணர்கள் அதிகம். மக்களுக்குள் வேற்றுமை கிடையாது, அன்பானவர்கள்,அதிகம் பேசுபவர்கள் , அப்பாவிகள், பொழுது போக்கு விரும்பிகள், ஆனால் இங்கு கோவில்களையும், மகாமக குளத்தையும் தவிர மக்கள் கூடுமளவுக்கு பெரிய இடங்கள் குறைவு. வணிகம் செய்வர்களும் உண்டு.
(iv) பொருளாதாரம்
பொருளாதராத்தை பொறுத்தவரையில் ஒன்றும் குறைவில்லை, பெரும்பான்மையான மக்கள் தன்னிறைவு அடைந்தவர்கள்தாம். சுற்றியுள்ள கிராமங்கள் விவசாயம் மூலம் தானியங்கள் எளிதில் கிடைப்பதால் no prpblem. காவேரி ஆறு ஓடுவதால்(????) தண்ணீர் பிரச்சினையும் கிடையாது.

   நான் ஏதோ ஒரு பதிவில நம்ம ஊரை பற்றி சொல்லிவிடலாம்னு நினைத்திருந்தேன், எழுத, எழுத ஏதோ ஒன்றை விட்ட மாதிரியே இருக்கு, எனவே நாளைக்கும் கும்பகோணம்தான்.
           நாளைக்கி சில பல முக்கியமான
"அம்சங்கள்" (ஹி! ஹி!) பற்றி பாக்கலாம்.
அதுக்கு முன்னாடி படிச்சோமா, போனோமான்னு இல்லாம தமிழிஷளையும், தமிழ்மனத்திளையும் மறக்காம வோட் போடுட்டு போங்கோ!

சில நேரங்களில்! சில ஊர்களில்!

2009-10-12T06:36:00.000-07:00

பயணம் என்பது மனித வாழ்வில் தவிர்க்க இயலாத(கூடாத) ஒன்று. நான்இன்றைய வரையில் நான் சென்று வந்த சில நகரங்களை (த்தோடா! இவரு கிராமத்துக்கு போவவே மாட்டாரு) பற்றிய சில பல சுவாரசியமான (அத நாங்கசொல்லணும்) தகவல்களை பற்றி பகிர்ந்து கொள்ளும் ஒரு தொடர் பதிவாகபோடலாமென்று இருக்கிறேன்(நாராயணா!இந்த கொசு தொல்லை தாங்கமுடியலடா). உங்களிடம் இருந்து வரும் ஆதரவை பொறுத்து எழுதவதை பற்றிமுடிவு செய்ய வேண்டும்(இல்லனா மட்டும் இவரு விடர போறாரு).

அதற்க்கு முன் இத்தொடர் பற்றி சில:

இத்தொடர் முழுதும் தமிழகத்தின் நகரங்கள்(நீ போய்ட்டு வந்த நகரங்கள்னுசொல்லு)பற்றி மட்டுமே .
நீ எதுக்கு அந்த ஊருக்கு போன என்பது போன்ற கேள்விகள் தடை செய்யபடுகின்றன.சொல்வதை படித்து கருத்து மட்டும் சொல்லும் என் போன்ற நல்ல உள்ளங்களை மிகவும் வரவேற்கிறேன்.(நா கோவமா கிளம்பறேன், என்ன பாத்து என்ன வார்த்தை சொல்றான்)
அந்தந்த ஊர்களின் தன்மை, மக்கள், பொருளாதாரம்(மன்மோகன் சிங் உன்னத்தான் தேடுராரம்)போன்றவை பற்றி என்னால் முடிந்தவற்றைஎழுதுகிறேன்.(நைனா figure ங்களை வுட்டுடியே).
தொடர் எழுதுவதால் மற்ற இடுகைகள் குறையும் என கனவு காண வேண்டாம், மற்ற சேவைகளும் தொடரும் ஏன்னா நமக்கு பிடுங்க வேண்டிய ஆணிகள் மிக மிக குறைவு.

முதலில் எனது ஊரான கும்பகோணம் பற்றி தொடங்குகிறேன்.(அஸ்க்கு புஸ்க்குநாளைக்குதான்)..

பயணத்திற்கு தயாரா?

தேவதைகள் விற்பவன்!

2009-10-11T03:42:00.000-07:00

அன்றொரு நாள்
தேவதைகள் விற்பவன் ஒருவன்
என் வீதி வழியே சென்றான்!

அவன் தேவதைகள் என்று
காட்டிய கூட்டத்தில் நீ மட்டுமே
என் கண்களுக்கு புலப்பட்டாய்!

நான் உன்னை கேட்டேன்
அவன்
100 காசுகளும்,அவற்றை எடுத்துச்
செல்ல கூடையும் கேட்டான்!

நான் உன்னை பார்த்தபடியே
"என்னிடமேது அவையிரண்டும்?"
என்று கேட்க,

"மீண்டுமொருமுறை தேவதைகள்
மேல் ஆசை கொள்ளாதே" என்று
கூறிவிட்டு கிளம்பினான்!

நான் அவனிடம் இருந்த
உன்னையே பார்த்து கொண்டிருக்க
அவனுடன் சிறிது தூரம் சென்ற நீ
என்னை பார்த்து புன்னகையொன்றை
உதிர்த்தாய்!

அன்று முதல் நீ
இருந்து கொண்டுதான் இருக்கிறாய்
என்னிடம் உண்மையாகவும்
அவனிடம் பொம்மையாகவும்!

-----செ. சுந்தரராஜன்

அய்யா! ராசா!

2009-10-10T02:04:00.000-07:00

"may i come in sir?"

"அட!mr. ராஜன் ! வாங்க , வாங்க! என்ன விஷயம்?"என்றார் production engineer.

"sir, இன்னிக்கு எங்க பாட்டியோட முதல் நினைவு நாள், so எனக்கு மதியம் ஒரு 2 hrs permisson வேணும்'.

"அடடா! என்னங்க இன்னிக்கு production எல்லாம் submit பண்ணனுமே , இன்னிக்கு வேற MD வரேன்னு சொல்லிருக்காரு , நீங்க வேணுனா நாளைக்குஎடுத்துக்குட்டு enjoy பண்ணுங்களேன்".

மனதிற்குள் (அடேய்!ரப்பர் வாயா!)"sir! leave போட்டு enjoy பண்ற விஷயமா இது?, கிடைக்கும்னா கிடைக்கும்னு சொல்லுங்க! இல்லனா say no! நான் ஒன்றும் நினைச்சிக்க மாட்டேன்" என்றேன்.

"அதான்ங்க இன்னிக்கு கிடைக்கிறது கஷ்டம், நீங்க வேணுனா நாளைக்..."

"thank you sir",மனதிற்குள் (கேட்கறப்ப permisson கொடுக்க மாட்டான், நாளைக்கி leave போட்டு enjoy பண்றதாம், யார்க்கு வேணும் இவனுங்க leave)" என்றபடியேவெளியில் வந்து ,

"அண்ணே! ஒரு kings கொடுங்க". பற்ற வைத்தேன்.

"அய்யா! ராசா! டீ குடிக்க காசு கொடுயா"என்றபடி நின்றது ஒரு கிழவி.

நான் கடுப்புடன்"வேற, வேற எங்கயாவது பாரு"

"நீ கொடுத்தா கொடு, நான் வேற யார்ட்டயும் கேட்க மாட்டேன்" என்றது அது.

"என்னடா இது வம்பா போச்சு! த்தே! சொல்றேனில்ல, வேற பாரு"

"வுடு sir, கொஞ்ச நேரத்துல அதுவே போய்டும்"கடைக்காரர்.

"ராசா! அப்ப நான் வரட்டுமா "என்றது கிழவி.

"போ, போ"என்று சொல்ல வந்த நான்"பாட்டி என்னை என்னை சொல்லிகூப்பிட்ட?".

"ராசான்னு கூப்பிட்டேன்யா, ஏன் அப்படி கூப்பிட கூடாதா?"

"எங்கே இன்னொருவாட்டி கூப்பிடு"

"ராசா" .

"டீ குடிக்க காசு வேணுமா? எவ்வளோ வேணும்?" என்றேன்.

"ம்ம் 1000 ரூபா கொடு, ஒரு 5 ரூபா இருந்தா கொடுய்யா"

"த்தே கிழவி! உனக்கு ரொம்பத்தான் ஏத்தம், அய்யா எதோ கேட்டா.."

"அண்ணே! இருங்க நான் பாத்துக்கறேன்" என்றேன் கடைக்காரரிடம்.

"இந்தா பாட்டி 10 ரூவா வச்சிக்க'

"அய்யா! ராசா! 5 ரூவா இருந்தா கொடு போதும்"

"என்ட சில்லறை இல்லை, பரவால்ல வச்சிக்க "

"இந்தயா, என்ட இருக்கு சில்லறை"என்று 5 ரூபாய் திருப்பி கொடுத்தது அந்தபாட்டி.

"பாட்டி! ஒரு நிமிஷம் என்னை ஆசிர்வாதம் பண்ணுங்க"என்று காலில்விழுந்தேன்.

"மவராசனா இருயா"என்றுவிட்டு அந்த பாட்டி போக நான் அலுவகத்திற்குள் செல்ல திரும்பினேன்.

எல்லோர் பார்வையும் என் மேல இருக்க நான் யாரையும் கண்டுகொள்ளாமல் அலுவகத்திற்குள் நுழைந்தேன்.

"மச்சான்! treat எப்படா?" என்றபடியே வேகமாக வந்தான் ரமேஷ்.

"எதுக்கு? இப்ப treat"

"உனக்கு இந்த மாசத்திலிருந்து 3500 rs increment"என்றான்.

நான் உடனே ஜன்னல் வழியே தூரத்தில் அந்த பாட்டி போவதை பார்க்க, மழைஆரம்பித்தது.

அண்ணாமலை remake????

2009-10-07T21:43:00.000-07:00

அண்ணாமலை என்ற காலத்தால் அழியாத காவியத்தை அதே இயக்குனர்மீண்டும் ஆறுமுகம் என்ற பெயரில் மறு உருவாக்கம்(remake) செய்துள்ளார். மூலகதையின் சாராம்சம் கெடாமலும், ரசிகனின் நினைவு திறனை கருத்தில்கொண்டும் காட்சிகளை உருவாக்கி ரசிகனின் இதயங்களில் நீங்கா இடம்பிடிக்கிறார்.(அப்பதானே இவரோட அடுத்த படத்திற்கு(அந்த நினைப்பு வேறஇருக்கா?) போகாமல் தப்பிக்கலாம்).

பில்லா remake ல் விஷ்ணு வர்தன் சில கதாபாத்திரங்களை மாற்றியமைத்துபுரட்சி செய்தது போல் சுரேஷ் கிருஷ்ணாவும் செய்துள்ளார்.

இயக்குனரின் கற்பனை திறனை பறை சாற்றும் வகையில் அண்ணாமலைக்கும், ஆறுமுகத்திற்கும் உள்ள 10 வித்தியாசங்களை பட்டியல் இடுகிறேன்.

அண்ணாமலையில் ரஜினி கதாநாயகன் , இதில் பரத் என்று ஒருவர்.
அதில் குஷ்பூ. இதில் ப்ரியாமணி.
அதில் தங்கை வைஷ்ணவி.இதில் சரண்யா மோகன்(நான் படத்துக்குபோனதே இவங்களுக்காகதான்)
அதில் ராதாரவி, இதில் ரம்யா கிருஷ்ணன்.(இயக்குனரின் தைரியத்தை நாம்பாராட்டியே ஆக வேண்டும்)
அதில் சரத் பாபு , இதில் ஏதோ ஒரு அமுல் பேபி(பரவாயில்லை, சுமாராகநடிக்கிறார்)
அதில் ரஜினி RayBan கண்ணாடி அணிதிருப்பார், இதில் பரத் எதோ சுமாரான கண்ணாடி.
அதில் ஜனகராஜ், இதில் கருணாஸ் (அவரே தேவலாம்)
குஷ்பூ குளிப்பதை(முழுதாக) ரஜினி மட்டுமே பார்ப்பார், இதில்ப்ரியாமணியை நாமும் சேர்ந்து பார்க்கிறோம்.
முக்கியமான வேறுபாடு அதில் ரஜினி பால்காரர், இதில் பரத் இட்லிவிற்பவர்.(எப்படித்தான் யோசிக்கிறாங்களோ)
ரஜினிக்கு வயதான பின்னர் climax, இதில் நமக்கு வயதாவதற்கு முன் climax (என்று நினைக்கிறேன்).

படத்தில் பரத் ஆடுவது, பாடுவது, சண்டை போடுவது , பஞ்ச் dialogue பேசுவது, செண்டிமெண்ட் காட்சிகளில் தான் அழுது நம்மையும் அழவைப்பது என ரொம்ப busy ,பாவம் அவரை தொந்தரவு செய்ய வேண்டாம் விடுங்கள்.

ப்ரியாமணி இதே போல் இன்னும் 2 இல்லை இல்லை 1 படம் நடித்தாலே Oscar award நிச்சயம்(எவ்வளவோ பண்ணிட்டோம்! இதை பண்ணமாட்டோமா?).

கடைசியாக பரத்திற்கு ஒரு எச்சரிக்கை!

நீங்கள் வேண்டுமானால் இன்னொரு ரஜினி ஆவதற்கோ , விஜய் ஆவதற்கோமுயற்சி செய்யுங்கள்.

எங்கள் அண்ணன்

இன்றைய தமிழகம்

நாளைய பாரதம்

நாளை மறுநாளைய உலகம்

அடுத்த அமெரிக்க அதிபர்

வெள்ளை உள்ளம்

டில்லியின் கில்லி

முகவையின் முத்து

தமிழகத்தின் சொத்து

வீரத்தளபதி ஜே.கே.ரித்திஷ்" போல்

ஆக முயற்சி செய்வதை கை விட்டு விடுங்கள்.

ஒரு சூரியன்! ஒரு சந்திரன் என்பதை

ஒரே வீரத்தளபதி மட்டுமே இருக்க முடியும்

அது

எங்கள் அண்ணன்

இன்றைய தமிழகம்

நாளைய பாரதம்

நாளை மறுநாளைய உலகம்

அடுத்த அமெரிக்க அதிபர்

வெள்ளை உள்ளம்

டில்லியின் கில்லி

முகவையின் முத்து

தமிழகத்தின் சொத்து

வீரத்தளபதி ஜே.கே.ரித்திஷ்" மட்டுமே என்பதை நினைவில் கொள்ளுங்கள்.

என்னது படத்து climax ஆ, இவளவையும் கேட்ட பின் இந்த படத்தின் climax பாக்கஉங்களக்கு தைரியம் இருக்கலாம், எனக்கு இல்லை. (எல்லா duet பாடல்களும்முடிந்த பின் theatre ல் நமக்கென்ன வேலை.)

ரத்தத்தின் நிறம் xxx?

2009-10-07T06:29:00.000-07:00

விபத்தில் சிக்கி மயங்கி பின்
விழித்தவுடன் மருத்தவமனையில் இருப்பதை
உணர்பவனுக்கும்!

தங்கையின் பிரசவத்திற்கு யார்க்கும்
எளிதாக கிடைக்காத ரத்த பிரிவு
எளிதாய் கிடைத்தவனுக்கும்!

உறவினர்களே அற்ற திருமணத்தில்
மணமகனாய் இருந்தவனுக்கும்!

மழை நேரங்களில் பத்திரமாய்
வீடு திரும்பும் தந்தையின்
மகனுக்கும்!

மச்சான்!நீ என் ரத்தம்டா
என்பவனுக்கும்!

அந்த வார்த்தைகளை கேட்கும்
தகுதியுள்ள எவனுக்கும்!

ரத்தத்தின் நிறம் நட்பு!

------செ. சுந்தரராஜன்

கவிதைனா காதலை பற்றி மட்டும்தான்(என் வரையில்) எழுதுனுமா என்று
சிந்த்திதற்கு பலன் இந்த படைப்பு. நட்பு என்றும்(எதையும்) கவிதைகளை
எதிர்பார்பதில்லை என்றாலும், எழுத தோன்றியது!நான் நட்பை பற்றி எழுதிய முதல் கவிதை. யாரேனும்வேறெங்காவது நட்பு பற்றிய கவிதைகளை அறிந்திருந்தால் பின்னூட்டங்களில் சொல்லவும்

நண்பா!

2009-10-06T02:50:00.000-07:00

வாழ்வின் எல்லா சாபங்களையும் சந்தித்தது போல்
ஒரு வெறுப்பு, பயங்கர கடுப்பு,
ஏன் நமக்கு மட்டும் இப்படி நடக்குது.

நம்ம மேல தான் தப்போ!. என்றெல்லாம்
சிந்தித்தபடி நான் அமர்ந்திருந்த நேரத்தில்
அங்கு வந்த என நண்பன் சொன்ன அந்த 3 வார்த்தைகள்

என் அம்மா சொன்னதை விட பெரியது!

காதலியின் வார்த்தைகளை விட இனியது !

அப்பாவின் ஆறுதலை விட மகிழ்ச்சியானது!

அது !

அது !

அது !

அது !

அது !

மச்சி நானும் பெயில்டா

மச்சி! நீ யார் fan?

2009-10-05T21:35:00.000-07:00

முதல் வருட கல்லூரி, முதல் நாள், ஒருவருக்கு ஒருவர் அறிமுகம் முடிந்தவுடன் நாங்கள் 5 பேர் ஒரே இருக்கையில் அமர்ந்தோம்.
(ஒரே இருக்கைனா ஒரே desk ).

அவன் பேச ஆரம்பித்தான், 2 ஆவதா இருந்தவனிடம்
"மச்சி! நீ யார் fan? " என்றான்.

"விஜய் மச்சி! ஏன் கேட்குற?" என்றவுடன் .

அவரை பற்றி ஒரு joke சொல்லி அந்த விஜய் ரசிகனை
(விஜய் நடிச்ச ரசிகன் இல்ல,விஜயோட ரசிகன்)
வெறுப்பு ஏற்றினான்.

பிறகு அடுத்தவனிடம் "மச்சி! நீ யார் fan? ".

அதற்க்கு அவன் மிகவும் ""தலை"க்கனத்துடன் (நல்லா கவனிங்க தல இல்லை"தலை") "அஜித்! மச்சி" என்றான்.

அதற்க்கு அவன் சொன்ன joke கேட்டவுடன் விஜயே தேவலாம் என்றாகிவிட்டது.

இப்படி எல்லாரிடமும் கேட்டு எல்லாரையும் கடுப்பாக்கிவிட்டு என்னிடம்வந்தான்.

என்னிடம் "மச்சி! நீ யார் fan? ".

நான் " இன்றைய தமிழகம்

நாளைய பாரதம்

நாளை மறுநாளைய உலகம்

அடுத்த அமெரிக்க அதிபர்

வெள்ளை உள்ளம்

டில்லியின் கில்லி

முகவையின் முத்து

தமிழகத்தின் சொத்து

வீரத்தளபதி ஜே.கே.ரித்திஷ்"

என்றேன்.

அவன்"இது உனக்கு தேவையா?"(வடிவேலு style ல்) என்று அவனக்கு அவனே கேட்டு கொண்டுவேறு desk க்கு ஓடிவிட்டான்.

அன்றிலிருந்து அவன் யாரிடமும் கேட்பதில்லை "மச்சி! நீ யார் fan? ".

டிஸ்கி: எப்பேர்பட்ட துன்பம், அவமானம் வந்தாலும்

அண்ணன் ஜே.கே.ரித்திஷ்

பெயரை உச்சரித்தவன் காப்பாற்றபடுவான்.

ஸ்டார்ட் மீஸீக்..

"இருந்தாக்கா அள்ளிக் கொடு

இல்லேன்னா சொல்லிக் கொடு"

இதையெல்லாம் பாக்குறப்போ!

2009-10-05T04:54:00.000-07:00

கஷ்டப்பட்டு நாம கண்டுபிடிச்ச shorcut ஐ friend கிட்ட காட்டும்போது , அவன் இதான் எனக்கு ஏற்கனவே தெரியுமேன்னு சொல்லும்போதும்..
ரொம்ப நாளா call பண்ணாம இருக்குற ஒருத்தனுக்கு call பண்ணி இன்ப அதிர்ச்சி (எனக்கு இன்பமா? அதிர்ச்சியா இருக்கே!) கொடுக்கலாம்னு call பண்ணும் பொது அவன், "மச்சி! தூங்கிட்டு இருக்கேன் , அப்புறம் பேசுரியானு கேட்கும்போதும்..
எல்லாரும் அவங்கவங்க program பாத்து முடிகிற வரைக்கும் பேசாம இருந்துட்டு , remote நம்ம கைக்கு வந்ததும் cable கட்டாகும்போதும்..
சண்டையெல்லாம் முடிஞ்சி sorry கேட்கலாம்னு call பண்ணும்போது signal problem வரும்போதும் ...
இந்த கலர் நிச்சயம் வேற யார்கிட்டயும் இருக்காதுன்னு சொல்லி எடுத்துகொடுத்தா , அவங்க friends உம் அத மாதிரியே போட்டுட்டு வந்து நிக்கிறப்ப நம்மள ஒரு முறை முறைக்கும்போதும்...

zip போடாம நிக்கிற பையன்ட்ட போயி(இப்ப இதான் fassion னாமுல) , அந்த விசயத்த சொன்னதும் , அவன் அதுஎனக்கும் தெரியும்னு சொல்லும்போதும்..

பேசாம மூடிகிட்டு (வாயதான்) நம்ம வேலையவே பாத்திருக்கலாம்னு தோணுதுங்க...(உங்களுக்கும் அப்படித்தானே?)

எப்படி இருந்தவர் இப்படி ஆகிவிட்டார்!

2009-10-05T03:10:00.000-07:00

ஒரு காலகட்டத்தில் நான் விவேக் என்றால்
மிகவும் ரசித்தேன் (ஒரு காலம்தான் இப்ப இல்ல)
அந்தளவுக்கு அவரின் timing dialogues (இதுக்கு தமிழ்ல என்னப்பா?) எனக்கு பிடிக்கும்.
ஆனால் அவரின் நேரம்(ஹீரோ ஆசை(7.30 சனி ) யார விட்டிச்சு?)
நடித்த படங்களிலெல்லாம் ஒரே மாதிரி நடித்ததால் (சரி பேசி கொண்டிருந்ததால்)....

இப்படி இருந்த அவர்...

இப்படி ஆகிவிட்டார் ...

சரி இப்ப என்ன திடீர் விவேக் பாசம் (1.எல்லாரும் மறந்துபோன நேரத்துல?
2. எவ்ளோ பணம் கொடுத்தார்(பாவம் அவரே அதுக்குதான் கஷ்டபடுறார்,
மறுபடி hero வா நடிக்கனுமில்ல)).
நேற்று ஆதித்யா சேனல் இல் பார்த்திபன் கனவு படம் பார்த்தேன், அதுலமனுஷன் நேரத்துல(அதான்பா timing) பூந்து விளையாடிருப்பார்(ஒடனேகொசுவத்தி சுத்தனும்ல).

ஒரு உ. தா(பார்த்திபன் கனவு) தான்

விவேக் மனைவி: உள்ள வாங்க, இன்ப அதிர்ச்சி காத்துட்டு இருக்கு!

விவேக் : ஆஞ! எனக்கு இன்பமா அதிர்ச்சியா இருக்கே!!!

இதோ அந்த படத்திலருந்து சில காட்சிகள்!

பாத்து சூதனமா இருந்துக்குங்க சார் , அப்புறம் கவுண்டர்பெல்(சவுண்டர்)மாதிரி
உங்க dialogue எல்லாம் mobile ல தான்இருக்கும்

அழைப்பு மணி!

2009-10-02T22:43:00.000-07:00

சாலையில் கை கோர்த்து செல்லும்
காதலர்களை முன் சென்று பார்க்கிறேன்!
நனறி கடவுளே!
இதில் பெண்ணவள் என்னவள் இல்லை!

தொலைபேசி அழைக்கும்போதும்
அழைப்புமணி ஒலிக்கும்போதும்
வந்திருப்பவர்களுக்காக மகிழாத மனது
வராத உன்னை எண்ணி வருந்துகிறது !

கைபேசி ஒலிக்கும்போது மனது
உன் பெயரை சொல்லும் - ஆனால்
திரை நண்பனின் பெயரை காட்டும்போது
மௌனமாகிறது என்
கைபேசியும்! உதடுகளும்

என்றேனும் நீ அழைப்பாய் என வாங்கிய
கைபேசியும் உன்னிடம் மட்டும் பேசுவது
என்றிருக்கும் என் மனதும் வீணாகிக் கொண்டிருக்கிறது!
அவை இறந்துபோகும் முன்

ஒருமுறையாவதுஅழைப்பாயா?

-----செ. சுந்தரராஜன்

அது என்னடாது இரட்டிப்பு?!?!?!?!

2009-09-30T23:06:00.000-07:00

தொலைக்காட்சிகளில் அன்றாடம் பல விளம்பரங்கள் வந்தாலும் சில மட்டுமே நம் கண்ணையும் கருத்தையும் கவரும். அவற்றில் முக்கியமானது இந்த பிரபல பான விளம்பரம்.(நம்மகிட்ட வாங்கி கட்டிகிறதுக்கேனே விளம்பரம் எடுப்பானுங்க போல)
இரட்டிப்பு! இரட்டிப்பு! இரட்டிப்பு!
அது என்னடாது இரட்டிப்பு? (எதோ காசுதான் இரட்டிப்பு ஆவுது போல) அப்படின்னு நாமளும் பாத்தா, அவங்க company பானத்தை குடித்தால் நம்ம வீட்டு பிள்ளைகள் இரட்டிப்பு வேகத்துல வளருமாம்.(அடங்ங் கொன்னியான் ஒரு லாஜிக் வேணாம், இங்க என்ன பேரரசு படமா ஓடுது?).

இதெல்லாம்கூட ok, இத நேர்ல பார்த்து confirm பண்றதுக்குனு ஒரு group போறமாதிரி காட்றானுக பாருங்க அப்படியே tv ய தூக்கி போட்டு உடைக்கிற அளவு கோவம் வருது.(அதுலயும் அந்த group தலிவி doctor வேஷம் போட்டு இருக்கும், இவனுக எல்லாம் doctor படிச்சவங்களை என்ன நினைச்சிட்டு இருக்கானுங்கனு எனக்கு தெரிஞ்சாவனும்).

ஒரு குழந்தை 4 அடி இருக்க வேண்டிய வயசில் 8 அடி இருக்குமா? அப்ப சாதரணமா 6 அடி வளர்ச்சி உள்ள ஒருவர் 12 அடி ஆய்டுவாரோ?

யப்பா உயரமா வளர்ந்து guiness ல இடம் பிடிக்கணும்னு ஆசை இருந்தா இந்த இதையே குடிங்கப்பா .(பாத்து உங்க பக்கத்து வீட்டுக்காரனும் இதையே குடிச்சி தொலைக்க போறான்.)

எப்படியெல்லாம் torcher பன்றாங்கே. உக்காந்து யோசிப்பாங்களோ!!!!

வேற இடமே கிடைக்கலயாப்பா உங்களுக்கு?

2009-09-30T02:23:00.000-07:00

கொடுமை,கொடுமைனு கோவிலுக்கு போனா அங்கே ரெண்டு கொடுமை ஜிங்கு ஜிங்குனு ஆடுச்சாம் .

அந்த மாதிரி நாம நியூஸ் பாக்கலாம்னு உக்காந்தா(நாம நியூஸ் பாக்குறதே உலக அதிசயம், அதுல இவங்க வேற ) இவங்களுக்கு எப்படி தெரியுமோ தெரியலை ,கரெக்டா விளம்பரத்த போடுவார்கள் இந்த marketing சகோதரர்கள்.
செய்ங்கடா உங்களால எவ்வளோ முடியுமோ அவ்வளோ செய்ங்கடா அப்படின்னு 24 மணி நேர நியூஸ் சேனலுக்கு(இந்த marketing சகோதரர்கள் சேனல்தான் அதுவும் ) மாத்துனா அங்கேயும் விளம்பரம்.

இதெல்லாம் பத்தாதுனு கிழே நியூஸ் ஓடும் பாருங்க அங்கயும் போட்டான் பாரு பிட்ட! (அதுவும் முக்கியமான நியூஸ் ஓடும்போதுதான் அணிவதற்கு ஏற்றது "சுடர்மணி ஜட்டிகள்" னு போடுராங்கோ)

வாழ்க உங்க விளம்பர உத்தி! நாடு விளங்கும்!

கூகிள்ல நம்ம பேரு!

2009-09-10T07:58:00.000-07:00

நான் இந்த blog ஆரம்பிச்ச அன்னிக்கே google ல adsense கொடுத்தேன், ஆனா நம்ம blog பேர போட்டு தேடுனா
அப்டியெல்லாம் ஒன்னும் இல்லன்னு google காறித் துப்பிடுச்சு!

சரி கூகுள்ல மொக்க blog மட்டும்தான் சேத்து பாங்க போலனு நினச்சிட்டு இருந்தப்ப நம்ம bloga யும், சேத்து நீயும் மொக்கதாண்டான்னு சொன்ன google க்கு நனறி சொல்லவே இந்த பதிவு!

ஏதோ என் blog யும் சேர்த்து கூகிள் தமிழ் வலைப்பதிவு உலகத்துக்கே பெருமை தேடி இருக்கு!(இது google, தான் இன்னும் famous ஆக எடுத்த முடிவுன்னு எடுத்து கொடுத்த என் நண்பன்க்கு நனறி)

நனறி! நனறி! நனறி!

செ. சுந்தரராஜன்

தற்கொலை செய்ய சிலவழிகள்

2009-09-08T08:07:00.000-07:00

நினைத்தாலே இனிக்கும்! - ஒரு பார்வை

2009-09-07T22:07:00.000-07:00

இந்த படத்தை எந்தவிதமான எதிர்பார்ப்பும் இல்லாமல் பார்க்க வேண்டும்.படம் நன்றாக இருக்கிறது, ஆனால் இன்னும் நன்றாக இருந்திருக்கலாம்.(எடுத்திருக்கலாம்).

படத்தில் எனக்கு பெரிய குறையாக தெரிந்தது, ப்ரித்வி, பிரியா காதல், ஏனோ ரொம்ப செயற்கையாக இருப்பது போல் ஒரு பிரமை. எனக்கு ஒரு சந்தேகம் படத்தின் ஹீரோ சக்தி தானோ என்று? சக்தி கதாபாத்திரம் நன்றாக வடிவமைக்கப்பட்டுள்ளது , அவரின் காதலியாக வரும் அனுஜா அய்யர் அவ்வளவு நன்றாக நடித்தும் அனைத்தும் விழலுக்கு இரைத்த நீர்!!!
கவலை வேண்டாம் இவர் உன்னை போல் ஒருவன்- லும் இருக்கிறார் , அங்கு பார்த்து கொள்ளலாம் , (ஆனா இவங்க பர்தா போட்டுட்டு வெட்கப்படும் போது சூப்பர்ங்க) .

மற்றபடி பாக்யராஜ் , கார்திக்(எல்லா வேடமும் இவருக்கு பொருந்துகிறது, இவர் ஹீரோவா நடித்திருக்கலாம்), பாலவாக வரும் நண்பன்(அவர் பெயர் தெரியலை) எல்லோரும் நன்றாக செய்து இருக்கின்றனர்.(கவனிக்கவும் சிறப்பாக அல்ல நன்றாக).

படத்தின் சிறப்பம்சங்கள் ஒளிப்பதிவும் , இசையும், அதிலும் பாலசுப்ரமணியெம்மின் கேமரா கண்களுக்கு விருந்தளிக்கிறது, அழகாய் பூக்குதே பாடலில் நம் மனதை உருகுகிறார் விஜய் அன்டோனி.

இயக்குனர் பல இடங்களில் கவனத்தை சிதற விட்டு இருந்தாலும் (ஒரு சண்டைக்காட்சியில் கூட, தண்ணீரில் விழுந்தும் ப்ரித்வியின் முடி நனையவில்லை. இயக்குனர் ரொம்ப கவனமாக இருந்திருக்கிறார்) , flash back 2000 ஆம் வருடம் என்பதால் செல்போன் பயன்படுத்தாதது,( சில காட்சிகளில் std booth இல் இருந்து பேசுகின்றனர்) தன் புத்திசாலிதனத்தை காட்டி இருக்கிறார்.

நினைத்தாலே இனிக்கும் -- காக்டெய்ல் சரக்கு

கலாட்டா கல்யாணம்!

2009-09-06T01:20:00.001-07:00

தரகர் : பொண்ண பத்தி சொல்றேன், நல்லா கேட்டுக்க.
சேகர் : ம்ம்ம்....
தரகர் : இந்த நெத்தி இருக்கே நெத்தி, ஸ்ரீதேவி நெத்தி.
சித்தப்பா : நெத்தியடி
சேகர் : சித்தப்பா, உணர்ச்சிவசப்படதே. பொண்ணு எனக்கு.
தரகர் : காது இருக்கே, ஒரு காது குஷ்பு காது; ஒரு காது ரூபிணி காது
சேகர் : பொண்ணுக்கு மொத்தம் ரெண்டு காது தானே?
தரகர் : ஆமாம் தம்பி. கண்ணு ரெண்டும் ஸ்ரீவித்யா கண்ணு.
சேகர் : ஓஹோ!
தரகர் : இந்த மூக்கு இருக்குல்ல, மூக்கு?
சேகர் : சுகன்யா மூக்கா?
தரகர் : அதான் இல்ல.
சேகர் : மூக்கே இல்லையா? அந்த இடத்துல என்ன இருக்கு? பிளாட் போட்டு வித்துடாங்களா?
தரகர் : ஐயோ, தம்பி! இந்திரா காந்தி மூக்குன்னு சொல்ல வந்தேன்.
சேகர் : என்னய்யா இது? நீ சொல்றது எல்லாம் மொத்தமா கூட்டி பார்த்தா, நம்ம ஜனகராஜுக்கு பொம்பள வேஷம் போட்டமாதிரி வருதேயா???????

வெற்றி... வெற்றி... மாபெரும் வெற்றி...

2009-09-06T01:09:00.000-07:00

இன்று காலை எட்டு மணிவாக்கில் அந்த அதிசயம் நிகழ்ந்தது.

தினசரி காலண்டரில் என் ராசிக்கு அதிர்ஷ்டம் என்று இருந்தபோதே நினைத்தேன். இதுப்போல் ஏதாவது நடக்கும் என்று. சிறிது நேரத்தில் நடந்து விட்டது.

நான் எவ்வளவு லக்கி? கொடுத்து வைத்தவன்.

கடவுளுக்கு எப்படி நன்றி சொல்வது என்றே தெரியவில்லை.

இந்த இந்திய பெருந்தேசத்தில், கோடானு கோடி மக்கள் மத்தியில் ஒரு சில பேருக்கு மட்டும் கிடைக்கும் அதிர்ஷ்ட வாய்ப்பு, எனக்கு கிடைத்ததென்றால் சும்மாவா?

போதும் நிறுத்து! அப்படி என்னத்தான் நடந்தது என்கிறீர்களா?

மூணு மாசம் கழிச்சி வருற தீபாவளிக்கு ஊருக்கு போக, ரயில்ல டிக்கெட் கிடைச்சிடுச்சு! :-)

சாப்ட்வேர் வாங்கலியோ சாப்ட்வேர்!

2009-09-06T01:06:00.000-07:00

ஒரு விமான நிறுவனத்திற்கு, சாப்ட்வேர் செய்ய வேண்டிய தேவை வந்தது. எந்த கம்பெனியிடம் வேலையை கொடுப்பது? என்று தீர்மானிக்க ஒரு விநோத திட்டம் தீட்டினார்கள். அச்சமயம், அமெரிக்காவிற்கு செல்ல ஒரே நேரத்தில் இருபது பெரிய சாப்ட்வேர் கம்பெனிகளின் தலைமை அதிகாரிகள் டிக்கெட் ரிசர்வ் செய்திருந்தார்கள். இது தான் சரியான நேரம் என்று விமான நிறுவனம் ரகசியமாக திட்டத்திற்கு செயல் வடிவம் கொடுத்தார்கள். ஒன்றுமில்லை, அவர்களின் திறமையை, நம்பகத்தன்மையை, நம்பிக்கையை சோதிக்க போகிறார்கள்.

இருபது சிஇஓ’க்களும், அமெரிக்காவில் நடக்கும் கூட்டமைப்பு மீட்டிங்கிற்கு செல்லும் நாள் வந்தது. ஒவ்வொருவரும் ப்ளைட்டில் ஏறும் போது, அவர்களிடம் தனியாக விமான நிறுவனத்தினர் ஒரு விஷயம் சொல்கிறார்கள்.

“நீங்கள் எங்கள் விமானத்தில் பயணம் செய்வதற்கு மிகுந்த மகிழ்ச்சி அடைகிறோம். நாங்கள் உங்களுக்கு நன்றி சொல்ல கடமைப்பட்டிருக்கிறோம். ஏனெனில், உங்கள் நிறுவனத்தால் உருவாக்கப்பட்ட ‘ஆளில்லா தானியங்கி’ மென்பொருளால் இந்த விமானம் முதன்முறையாக இயக்கப்படுகிறது. அதில் நீங்கள் பயணம் செய்வது இன்னும் விசேஷமாகிறது.”

என்னது, பைலட் இல்லாம வெறும் சாப்ட்வேர் ப்ளைட் ஓட்டப்போகுதா? பெரிய நிறுவனங்கள் என்பதால், எந்த சாப்ட்வேர் யாருக்கு செய்து கொடுத்தோம் என்று தலைமை நிர்வாகிகளுக்கு தெரிந்திருக்க நியாயமில்லை. அதனால், அதை அப்படியே நம்பினார்கள்.

இப்ப, நிறுவன தலைமை அதிகாரிகளுக்கு கலக்கமாகி விட்டது. பயம். நடுக்கம். என்ன பண்றது?

எஸ்கேப் ஆவதற்கு ஒவ்வொருவரும் ஒரு காரணம் சொன்னார்கள்.

”ஒரு அவசர வேலை வந்திருக்கு. என் டிக்கெட்டை கேன்சல் பண்ணிருங்க.”

”ஓ! மை காட். தாத்தா பாத்ரூம்ல வழுக்கி விழுந்துட்டாரா?” (சின்ன வயசுல இருந்து இக்கட்டான நேரத்துல தாத்தா தான் ஹெல்ப் பண்றாரு)

“அப்படியா? மீட்டீங் கேன்சலா? ஒகே, திரும்ப எப்பன்னு சொல்லுங்க... பை”

“20 கோடி லாஸா? உடனே நான் வாரேன்”

“ஐயோ, வயத்தை கலக்குதே!”

இப்படி பத்தொன்பது பேரும் எஸ்ஸாகிவிட்டார்கள்.

ஆனால், ஒருத்தர் மட்டும் ஜம்மென்று சீட்டில் உட்கார்ந்தார். அவர் முகத்தில் எந்த பதட்டமும் இல்லை. பைலட் இல்லாத முதல் விமானம் என்று சொல்லப்படும் அந்த விமானத்தில் பயணம் செய்ய எந்த தயக்கமும் காட்டவில்லை.

விமான சோதனை டீம் ஒரு முடிவுக்கு வந்தார்கள். இவர்தான். இவர் நிறுவனம் தான். தங்கள் சாப்ட்வேர் தேவையை இவரிடம் தான் கொடுக்க வேண்டும். எதற்கும் பேசி பார்த்து விடலாம் என்று நினைத்து, தங்கள் ஆள் ஒருவரை பயணி போல் வேடமிட்டு, அவர் பக்கத்தில் அமர வைத்தார்கள்.

“என்ன சார்? இந்த ப்ளைட்ல பைலட்டே இல்லையாமே?” பயணி வேடத்தில் ஒற்றன் தூண்டில் போட்டான்.

நம்மாளு “ஆமாம். அப்படித்தான் சொன்னாங்க”

“உங்களுக்கு ஒண்ணும் பயமில்லையா?”

“எனக்கெதுக்கு பயம்? அந்த சாப்ட்வேர் எங்க நிறுவனத்தால் பண்ணியது, தெரியுமா?”

“ஓ! அப்படியா? உங்கள் நிறுவனம் மேல், உங்கள் ஊழியர்கள் மேல் அவ்வளவு நம்பிக்கையா?”

”நம்பிக்கைதான். கொஞ்சம் காத கிட்ட கொண்டு வாங்க. எங்க கம்பெனி சாப்ட்வேர்ங்கிறதால, இது முதல்ல ஸ்டார்ட்டே ஆகாது. அப்புறம் எங்க பறக்குறது?”

கன்சல்டன்சி காமெடிகள்!

2009-09-06T01:01:00.000-07:00

ட்ரிங் ட்ரிங்...

“ஹலோ”

“கிருஷ்ணனா?”

“ஆமாம். கிருஷ்ணன் தான் பேசுறேன். நீங்க?”

“நாங்க ப்ரைட் கன்சல்டன்சில இருந்து பேசுறோம்.”

“சொல்லுங்க”

“நீங்க வேறு வேலை தேடுவதாக, நாக்ரி தளம் மூலம் தெரிந்து கொண்டோம். உங்கள் திறமைக்கு ஏற்ற வாய்ப்பு ஒன்று எங்களுடன் உள்ளது. உங்களுக்கு இதில் ஆர்வமுள்ளதா?”

“ஆமாம். ஒரு நிமிஷம். இடத்தில் இருந்து வெளியே வந்திடுறேன். ஆஆங்.... சொல்லுங்க”

“இது ஒரு முன்னணி பன்னாட்டு தொழில்நுட்ப நிறுவனம். உங்களுக்கு இந்த வேலையில் எத்தனை ஆண்டு அனுபவம் உள்ளது?”

“ஆறு வருஷம்”

“உங்க தொழில்நுட்ப அனுபவங்களை பத்தி சொல்லுங்க?”

“நான் கடந்த ஆறு வருடங்களாக இணைய தொழில்நுட்பத்தில் வேலைப் பார்த்துவருகிறேன். தற்போது தொழில்நுட்ப அணித்தலைவராக இருக்கிறேன்.”

“உங்கள் வருடாந்திர சம்பளம்?”

“எட்டு லட்சம்”

“எவ்வளவு சம்பளம் எதிர்ப்பார்க்கிறீர்கள்?”

“பத்து லட்சம்”

“இந்த நேரத்தில் இது அதிகம். இருந்தாலும் முயற்சிக்கிறேன்.”

“சரி.”

“இந்த வேலை கிடைத்தால், எவ்வளவு நாட்களில் சேர முடியும்”

“ஒரு மாதம். என்னிடம் சில கேள்விகள் உள்ளது.”

”கேளுங்க”

“நான் வெளிநாட்டு பணியை எதிர்ப்பார்த்து இருக்கிறேன். அதற்கு வாய்ப்புள்ளதா?”

“கண்டிப்பா. நீங்கள் சேர்ந்த சில நாட்களில் வெளிநாடு அனுப்பப்படுவீர்கள்.”

“அதேப்போல், இனி நான் அதிகமாக மேலாண்மை பொறுப்பில் ஈடுபட எண்ணியுள்ளேன். பணி உயர்வு வாய்ப்பு எப்படி?”

“உங்கள் தகுதியை பார்க்கும் போது, நீங்கள் அதற்கு தகுதி உள்ளதாக தோன்றுகிறது. பிரகாசமான வாய்ப்பு உள்ளது”

“பணி சூழ்நிலை எப்படி? வேலை நேரம் என்ன? அதிக நேரம் வேலை பார்ப்பதில் தொந்தரவில்லை. ஆனால், அதுவே தொடர்ச்சியாக இருக்க கூடாதுல்ல. இங்க பார்த்தீங்க, நைட் பத்து மணிவரை இருக்க வேண்டி இருக்கிறது.”

“பணி சூழ்நிலை சிறந்த நிறுவனம் இது. பணி நேரம் இங்கு சிறப்பா நிர்வாகம் செய்யப்படுகிறது.”

“சரி சரி”

“வேறேதும் கேள்வி உள்ளதா?”

“இல்லை.”

“நேர்காணலுக்கு இந்த சனிக்கிழமை வரமுடியுமா?”

“ம்ம்ம்.... சரி. வருகிறேன். எங்கு?”

“டைடல் பார்க்.... ஏபிசி கம்பெனி”

“போன வைய்யா! நான் அங்கத்தான் வேலை பார்க்குறேன்.”

டொக்.

நீதி : என்ன வாங்குறோம்ன்னு தெரிஞ்சு, பேரம் பேசுங்க.

என் புகைப்படக்கலை!

2009-09-05T02:38:00.000-07:00

இது கொஞ்சம்(நிறைய) ஓவர்தான், இருந்தாலும் நான்
எடுத்த புகைப்படங்கள் என் செல்லோட virus க்கு del ஆகிடகூடாதுன்னுதான்
வலைப்பூவில் போட்டு வைக்கிறேன்!
புகைப்படங்கள் அனைத்தும் என் cell camera ல எடுக்கப்பட்டது!

வாங்க சிரிக்கலாம்!

2009-09-04T07:23:00.000-07:00

நண்பர்களே!

இணையத்தில் உலவிக் கொண்டிருக்கும் போது நான் ரசித்த சில துணுக்குகளை
உங்களுடன் பகிர்ந்து கொள்கிறேன். நீங்களும் படித்துவிட்டு சிரித்து மகிழுங்கள்!

தோழி பொம்மி மற்றும் சத்யாவுக்கு , இந்த வலைப்பூவில் நான் தொடர்ந்து எழுதுவேன், எனவே அடிக்கடி புது புது செய்த்களை படிக்கலாம்...

நம்ம ஜோக்ஸ் படிச்சிட்டு மன்மோகன் சிங்கே முகத்த மூடிகிட்டே சிரிக்கிறார்!

புதுமொழிகளில் சில ...

மேடையில் ஆடத்தெரியாதவன் ஜட்ஜா நமீதா வேணும்னு கேட்டானாம்.

வெளியில போற சனியனைத் தூக்கி பனியனுக்குள்ள போடுற மாதிரி சிவனேன்று போற சிங்கம்கிட்ட சிகரெட் கேட்டது யார்?

இன்றைய காதலி நாளை இன்னொருவரின் மனைவி.

நாய் கெட்டகேட்டுக்கு ஞாயிற்றுக்கிழமை லீவு கேட்குமாம்.

அதிர்ஸ்டம் கதவை தட்டினா சேவல் கூட முட்டையிடும்.

ஒரு மாணவனின் படிப்பு Telephone bill வரும் போது தெரியும்.

Superman ஆகவேண்டும் என்றால் கட்டிடத்தில் இருந்து குதித்துத்தான் ஆகவேண்டும்.

நூறு ரூபாய்க்கு குதிரை வேண்டும் அதுவும் சுவருக்கு மேல் பாயவும் வேண்டும்.

மீன் சாப்பிட கத்துகிட்டா செலவு மீன் பிடிக்க கத்துக்கிட்டா வரவு.

வேண்டா வெறுப்பா பிள்ளைய பெத்து காண்டாமிருகம் என்று பெயர் வைத்தாளாம்.

அமெரிக்கா போன பாம்பு கூட ஆங்கிலம் பேசும், MCA படிச்சா பொம்மி கூட progam போடுவா!

நடக்க முடியாத நாய் 4 heel Shoe கேட்டதாம்.

jokes

டேய் என் ஜாதகப்படி, எனக்கு அறிவு ரொம்ப ஜாஸ்தியாம்.
இப்பவாவது தெரியுதா நான் ஏன் ஜாதகத்தை நம்புறதில்லைன்னு?

***********

டாக்டர்! என் மனைவி ஓவரா டி.வி. பாக்குறா...
எந்த அளவுக்கு பாக்குறாங்க?
கரண்ட் கட்டானாலும், டார்ச் அடிச்சி பாக்குறா!!!

***********

சார்,
டீ மாஸ்டர் டீ போடறாரு,
பரோட்டா மாஸ்டர் பரோட்டா போடறாரு,
மேக்ஸ் மாஸ்டர் மேக்ஸ் போடறாரு,
நீங்க ஹெட்மாஸ்டர் தானே? ஏன் மண்டைய போட மாட்டேங்கிறீங்க?...

***********

நம்ம பையன் எங்க பணம் வைத்தாலும், எடுத்திட்டு போயிடறாங்க.
அவனுடைய காலேஜ் புத்தகத்தில் வை.... பத்திரமா இருக்கும்.

***********

ஒரு காப்பி எவ்வளவு சார்?
5 ரூபாய்.
எதிர்த்த கடையில 50 காசுன்னு எழுதியிருக்கே?
டேய். சாவுகிராக்கி அது XEROX காப்பிடா!

***********

உங்க கிட்னி பெயில் ஆகிடுச்சு.
நான் என் கிட்னிய படிக்க வைக்கவே இல்லயே டாக்டர்! அது எப்படி பெயில் ஆகும்?

***********

உலகின் முதல் கடவுள் பெற்றோர்தான் - நடிகர் சிவகுமார்

2009-09-03T07:37:00.000-07:00

ஒவ்வொரு மாணவரும், உலகின் முதல் கடவுள் பெற்றோர்கள் தான் என்பதை புரிந்து, அவர்களை பொக்கிஷமாக பாதுகாக்க வேண்டும் என்று கல்லூரி விழா ஒன்றில் நடிகர் சிவகுமார் பேசினார்.

கோவை பேரூர் தமிழ் கல்லூரியில் அருளாட்சி வெள்ளி விழா சொற்பொழிவு நிகழ்ச்சி, பேரூர் இளையபட்டம் மருதாசல அடிகள் தலைமையில் நடந்தது.

இந்த விழாவில் நடிகர் சிவகுமார் கலந்து கொண்டு பேசியதாவது ...

ஒவ்வொரு மனிதனும் அடக்கத்துடன் வாழ கற்றுக் கொண்டால், மிகப் பெரிய இலக்கை எட்ட முடியும். பொறுமையை விட உயர்ந்த தவமும், கருணையை விட பெரிய அறமும் இல்லை.

மனிதர்களிடையே கருப்பு, வெள்ளை என வண்ணங்களில் வேறுபாடு இருக்கலாம். ஆனால், ஒற்றுமை என்ற எண்ணத்தில் வேறுபாடு இருக்கக் கூடாது.

ஒவ்வொரு மனிதனிடமும், அன்பு, கல்வி , நீதி, உயர்ந்த பண்பு போன்ற பழக்கங்கள் இருந்தால் சான்றோர்களால் உயர்ந்த இடத்தில் வைத்து மதிக்கப்படுவர்.

இரண்டாம் உலகப்போரில் கோடிக்கணக்கான மக்கள் கொல்லப்பட்டதற்கு காரணம், மனிதநேயமின்றி அரக்கத்தனத்துடன் நடந்த நிகழ்ச்சி என்று கூறலாம் .

இதுபோன்ற சம்பவங்கள் எதிர் காலத்தில் தலைதூக்காமல் இருக்க, சமுதாயத்தில் ஒற்றுமையும், மனிதநேயமும், மத நல்லிணக்கமும் அவசியம்.

அன்றைய காலத்தில் கஷ்டப்பட்டு பணம் செலவழித்து, சொத்துக்களை விற்று, வெளிநாட்டிற்கு சென்று படித்து விட்டு நம் நாட்டில் சேவை செய்தனர்.

ஆனால், தற்போது அரசு உதவித்தொகை, சலுகைகளை பயன்படுத்தி படித்து விட்டு, வெளிநாட்டுக்கு வேலைக்கு செல்வதை கவுரமாக நினைக்கின்றனர்.

நம்மை கேட்காமல் படைத்த கடவுள், நமக்கு தேவையானவற்றை உரிய நேரத்தில் நிச்சயம் தருவார் என்ற நம்பிக்கையில் கடமையை செய்ய வேண்டும்.

ஒவ்வொரு மாணவரும், உலகின் முதல் கடவுள் பெற்றோர்கள் தான் என்பதை புரிந்து, பொக்கிஷமாக பாதுகாக்க வேண்டும் என்றார்.

காதல் பொறுக்கி!

2009-09-03T07:12:00.000-07:00

நான் முத்தம் கேட்கையில்
சீ! பொறுக்கி என்பாய் வெட்கத்துடன்!

நீ வெட்கப்படும் அழகை காணவே ஆயிரம் பொறுக்கிதனங்கள் செய்யலாம்!

பெண் வெட்கபட்டால் தேவதை ஆகிறாள்! தேவதை நீ வெட்கபட்டால் நான் என்ன ஆவது?

-----செ.சுந்தரராஜன்

ராஜசேகர ரெட்டி! ஒரு சகாப்தம் !

2009-09-03T04:46:00.000-07:00

ராஜசேகர ரெட்டி, ஆந்தர முதல்வர், நேற்று காலையில் விமான விபத்து காரணமாக உரியிழந்திருப்பவர்!
நம் காசில் கழக கண்மணிகளை பற்றி கவிதை எழுதும் முதல்வர்கள் மத்தியில் கொஞ்சம் (இல்லை இல்லை, நிறையவே) மக்களுக்காக
உழைத்திருக்கிறார்.
எது எப்படியோ அவரது ஆன்மா சாந்தியடைய நாம் கடவுளிடம் வேண்டுவோம்!

லேசா! லேசா!

2009-09-02T22:40:00.000-07:00

அன்று கடற்கரையில் நடந்தது

என்னவோ நாம்
இருவரும்தான்!

மணலில் பதிந்தது என்னவோ என்
கால் தடம் மட்டுமே!

நீ அவ்வளவு லேசா லேசா
நடகின்றாய் என்றேன் நான் !

லூசா நீ! நான் உனக்குள் இருக்கும் போது
மணலில் எப்படி என் கால் பதியும் என்றாய் நீ!

நான் உன்னையும் நீ என்னையும்
காதலிக்கிறோம்!

காதல் நம்மை காதலிக்கிறது!

-------------செ. சுந்தரராஜன்

நாங்கலாம் terrorல !

2009-09-02T22:24:00.000-07:00

நம்ம பயபுள்ளகிட்ட கொடுத்த Question Paperla
Printing Mistake.அதாவது 2/10 =0.2 என்பதற்கு
பதிலாக 2/10 = 2 என்று தவறாக
பிரிண்ட் செய்ய பட்டு இருந்தது.

நிருபி 2/10 = 2

நம்ம ஆளு யோசிச்சான் .. யோசிச்சான் ... அப்புறம் ...

2 = TWO,
10 = TEN
TWO / TEN = WO / EN
W = 23, O = 15 (As alphabetic order)
E=5, N=14 (As alphabetic order)

W+O= 23+15 = 38

E+N= 5+14 = 19

So, 38 / 19 = 2 ...எப்பூடி ....

எவ்வளவோ பண்ணிடோம் இத பண்ண மாட்டோமா ????.....

இன்றைய கார்டுன்

2009-08-31T22:11:00.000-07:00

இந்த கார்டூனை பார்த்தவுடன் சிரிப்பு வந்தாலும் இது கொண்டிருக்கும் செய்தி மிகவும் serious matter. இனிமேலாவது யோசித்து வோட்டு போடுங்கள் நண்பர்களே!

நம்பர் பிளேட் குழப்பங்கள்!

2009-08-31T22:02:00.000-07:00

நம்பர் பிளேட்டில் தங்கள் இஷ்ட தெய்வங்கள், அபிமான கட்சி சின்னங்கள், நியூமராலஜி, தொழில் விவரங்கள் உள்ளிட்டவைகளை கண்ணை பறிக்கும் வகையில் எழுதுவதை, ஆர்.டி.ஓ.,வும், போக்குவரத்து போலீசாரும் கண்டுகொண்டதாகவே தெரியவில்லை.

விபத்தை ஏற்படுத்தி தப்புபவர்களையும், குற்றச் செயல்களில் ஈடுபடுவோரை பிடிக்கவும் நம்பர் பிளேட்கள் உயிர் நாடியாக உள்ளன. மோதும் வாகனத்தின் நம்பரை வைத்து எந்த வாகனம் மோதியது என அறிந்து, பாதிக்கப்பட்டோருக்கு நஷ்ட ஈடு பெற்றுத் தர முடியும். ஆனால், சிலர் தங்கள் வாகன நம்பர் பிளேட்டுகளில், பிடித்த ராசி எண் மட்டும் பெரிதாக எழுதி, மற்ற எண்களை சிறிதாக எழுதுகின்றனர்.சிலர் இஷ்ட தெய்வங்கள் படங்களை மட்டுமின்றி, மின்வாரியம், தலைமைச் செயலகம், பிரஸ், போலீஸ், டாக்டர், வக்கீல் என்று பணிபுரியும் அலுவலகம் மற்றும் துறையின் பெயரை எழுதுகின்றனர். சிலர் காதலியின் பெயர்களையும், வினோத ஸ்டிக்கர்களையும் ஒட்டுகின்றனர்.

சிலர், நம்பரை டிராகுலா போன்று பலவித ஸ்டைலிலும், சாய்வாகவும், ஒளியை பிரதிபலிக்கும் வகையிலும்(ரிப்ளக்ட்) எழுதி நம்பரை கண்டுபிடிக்க முடியாமல் செய்து விடுகின்றனர். ஒரு சில தமிழ் ஆர்வலர்கள்(?) தமிழ் எழுத்துக்களை எண்களாக எழுதிக் கொள்கின்றனர்.பொதுவாக வாகனங்களின் நம்பர் பிளேட்டில், அனைத்து எண்ணையும் எப்படி எழுத வேண்டும், என்ன கலரில் எழுத வேண்டும் என்ற சட்டவிதிகள் உள்ளன. ஆனால் யாரும் இந்த விதிகளை கடைபிடிப்பதாக தெரியவில்லை.அதற்காகத்தான் மத்திய அரசு நம்பர் பிளேட்டில் நம்பரை மூன்று "இன்ச்'சுக்கு மிகாமலும் தடித்ததாகவும் எழுதப்பட வேண்டும் என்று உத்தரவிட்டது.

நம்பர் பிளேட்டில் கண்டபடி எழுதுபவர்களுக்கு, மோட்டார் வாகனச் சட்டம் 177ன்படி அபராதம் விதிக்க இடம் உள்ளது.பணம் உள்ளவர்கள் தங்கள் ராசி எண்ணைக் பணம் கொடுத்து வாங்கிக் கொள்கின்றனர். பணம் கொடுத்து பேன்சி நம்பர் வாங்க முடியாதவர்கள் தங்கள் இஷ்டம்போல் வாகனத்தில் எழுதிக் கொள்கின்றனர். ஒருக்கால் குற்றங்களில் ஈடுபட்டால் ,இந்தவாகனங்களை எளிதாக அறியமுடியாததால், குற்றவாளிகளும் தப்பித்து விடுகின்றனர்.எனவே, வாகனங்களின் உயிர் நாடியாக திகழும் நம்பர் பிளேட்டில் கண்டபடி எழுதுபவர்களை தடுத்து நிறுத்த ஆர்.டி.ஓ.,வும், போக்குவரத்து போலீசாரும் இணைந்து செயல்பட்டால் மட்டுமே நிரந்தர தீர்வு கிடைக்கும்.

இந்த பிரச்சனை இன்று சாதரணமாக தெரிந்தாலும் , இவற்றின் மூலம் எதுவும் பெரிய அசம்பாவிதங்கள் நடக்கும் முன் நடவடிக்கை எடுத்து மக்களிடையே விழிப்புணர்வு ஏற்படுத்த வேண்டும்.

----செ. சுந்தரராஜன்

புவி நிலையத்துடன் தொடர்பு இழந்தது சந்திரயான்???

2009-08-31T05:00:00.000-07:00

நிலவைச் சுற்றிக் கொண்டு அது குறித்த பல்வேறு தகவல்களை கடந்த 312 நாட்களாக அளித்துக் கொண்டிருந்த சந்திரயான் 1 விண்கலம், நேற்று நள்ளிரவு புவி நிலையத்துடனான தொடர்பை இழந்தது என்று இந்திய விண்வெளி ஆய்வு நிறுவனம் (இஸ்ரோ) கூறியுள்ளது.

கடந்த ஆண்டு அக்டோபர் 22ஆம் தேதி விண்ணில் செலுத்தப்பட்ட சந்திரயான் 1 விண்கலம், நேற்றுவரை 3,400 முறை நிலவைச் சுற்றி வந்து பல தகவல்களை பெங்களூருவிற்கு அருகிலுள்ள பயலாலு புவி நிலையத்திற்கு அளித்து வந்தது. இறுதியாக நேற்று இரவு 12.25 மணிக்கு அது கடைசியாக தகவல் அனுப்பியது. அதன் பிறகு புவி நிலையத்துடனான தொடர்பை சந்திரயான் விண்கலம் இழந்துவிட்டதாக இஸ்ரோ வெளியிட்ட அறிக்கை கூறுகிறது.

புவி நிலையத்துடனான தொடர்பை இழந்ததையடுத்து சந்திரயான் 1 திட்டம் முடிவிற்கு வந்துவிட்டதாக, அத்திட்டத்தின் தலைவர் மயில்சாமி அண்ணாதுரை தெரிவித்துள்ளார். இரண்டு ஆண்டுக் காலத்திற்கு திட்டமிடப்பட்ட சந்திரயான் 1 விண்கலத்தின் பணி 10 மாத காலத்திற்குள் முடிந்துவிட்டாலும், அது சாதிக்கவேண்டிய 90-95 விழுக்காட்டுப் பணிகளை துல்லியமாக நிறைவேற்றிவிட்டது என்று அண்ணாதுரை கூறினார்.

சந்திரயான் அனுப்பிய தகவல்கள் பகுப்பாய்வு செய்யப்படுகிறது என்றும், அதன் துணை அமைப்புகளின் நிலை எவ்வாறு உள்ளது என்பதை அதனைக் கொண்டு ஆய்வு செய்து வருவதாகவும் இஸ்ரோ தெரிவித்துள்ளது.

சந்திராயன் விண்கலத்தில் நிலவின் மேற்பகுதியை ஆராயும் டெர்ரைன் மேப்பிங் கேமிரா, நிலவின் பரப்பில் உள்ள கனிமங்களை ஆராயும் கருவி, அதன் காற்று வெளியை ஆராயும் ஹைபர் ஸ்பெக்ட்ரல் இமேஜர் உள்ளிட்ட பல கருவிகள் பொறுத்தப்பட்டு ஆய்வு செய்து வந்தது என்பது குறிப்பிடத்தக்கது.

சந்திராயன் திட்டத்துக்கு தலைமை வகித்த அண்ணாதுரை தமிழ்நாட்டுக்காரர் என்பதுகுறிப்பிடத்தக்கது!!!!

ஐ.மு.கூ. அரசின் 100 நாட்கள்

2009-08-31T04:47:00.000-07:00

மத்தியில் இரண்டாவது முறையாக ஆட்சிக்கு வந்து இன்றுடன் 100 நாட்களை பூர்த்தி செய்துள்ளது காங்கிரஸ் தலைமையிலான ஐக்கிய முற்போக்கு கூட்டணி அரசு.

இந்த 100 நாட்களில் சில சிறந்த பணிகளை செய்துள்ளதாக பாராட்டப்படும் அதே நேரத்தில், போதுமான வறட்சி நிவாரண நடவடிகைகளை மேற்கொள்ளாதது,நாளுக்கு நாள் அதிகரித்து வரும் விலைவாசி உயர்வை கட்டுப்படுத்த தவறியது , பாகிஸ்தானுடனான உறவில் நிச்சயமற்ற நிலையை ஏற்படுத்தியிருப்பது போன்றவை கடும் விமர்சனத்துக்குள்ளாகி இருக்கின்றன.

குழந்தைகளுக்கு இலவச கல்வி மற்றும் பெண்களுக்கு அதிகாரம் அளிக்கும் வரலாற்று சிறப்புமிக்க மசோதாக்களை நிறைவேற்றியுள்ளதாக பெருமிதம் கொள்ளும் பிரதமர் மன்மோகன் சிங் தலைமையிலான ஐக்கிய முற்போக்கு கூட்டணி அரசுக்கு, அத்தியாவசிய பொருட்களின் விலை உயர்வை கூட கட்டுப்படுத்த தவறியது, ஒட்டு மொத்த நாட்டையே அச்சுறுத்தும் பன்றிக்காய்ச்சல் நோயை பரவாமல் தடுக்க போதிய முன்னெச்சரிகை நடவடிக்கைகளை மேற்கொள்ளாமல் இருப்பது அவப்பெயரை ஏற்படுத்தியுள்ளது.

மேலும் விலைவாசி உயர்வுக்கு வித்திடும் வகையில் பெட்ரோல், டீசல் விலையை உயர்த்தியதும் மன்மோகன் அரசுக்கு பொதுமக்களிடத்தில் கடும் அதிருப்தியை ஏற்படுத்தியுள்ளது.

அத்துடன் நாட்டையே அதிர்ச்சிக்குள்ளாக்கிய மும்பை தாக்குதலில் தொடர்புடைய பாகிஸ்தான் குற்றவாளிகளை, நீதியின் முன் நிறுத்தச் செய்வதில் பாகிஸ்தானை பணிய வைக்க முடியாமல் திணறி வருவதும் ஐக்கிய முற்போக்கு கூட்டணி அரசின் ஆளுமை திறனை கேள்விக்குள்ளாகி இருக்கிறது.

அதிலும் பாகிஸ்தான் பிரதமர் யூசுப் ரஸா அலி கிலானியை, பிரதமர் மன்மோகன் சிங் கடந்த மாதம் எகிப்தில் சந்தித்துப் பேசிய பின்னர் வெளியிடப்பட்ட கூட்டறிக்கையில், இந்தியா - பாகிஸ்தான் நாடுகளிடையேயான பேச்சுவார்த்தையை தொடங்க பயங்கரவாத பிரச்னையை தொடர்புபடுத்துவதில்லை என்று தெரிவிக்கப்பட்டிருந்ததும்,அதற்கு கடும் எதிர்ப்பு கிளம்பியதைத் தொடர்ந்து கவனக்குறைவாக அந்த கருத்து இடம்பெற்றதாக இந்திய அயலுறவுத் துறை அமைச்சகம் பின்னர் மழுப்பியதும் மன்மோகன் அரசு மீது படிந்த மற்றொரு களங்கமாகும்.

இவை தவிர அண்டை நாடான இலங்கை அரசு, போர் முடிவுக்கு வந்த பின்னரும் தமிழர்களை தடுப்பு முகாம்களில் அடைத்து வைத்திருப்பதை கண்டும் காணாமல் இருப்பதும், ராஜ பக்ச அரசின் தமிழர் விரோத நடவடிக்கைகளுக்கு தொடர்ந்து ஆதரவளிப்பதும், நிதியுதவி அளிப்பதும்,தடுப்பு முகாம்களில் அடைக்கப்பட்டுள்ள இலங்கை தமிழர்களை மீள் குடியமர்த்த இலங்கை அரசை வலியுறுத்தி உரிய நடவடிக்கை எடுக்க வேண்டும் என தமிழகத்தில் இருந்து எழுப்பப்படும் குரலை தொடர்ந்து அலட்சியப்படுத்தி வருவதும் மன்மோகன் அரசுக்கு ஏற்பட்டுள்ள தீரா களங்கமாக அமைந்துள்ளது.

------- நனறி- தமிழ் வெப்துனியா .காம்

அணி மாறினார் ஜாகிர்

2009-08-29T23:09:00.000-07:00

மும்பை: இந்தியன் பிரிமியர் லீக் தொடருக்கான மும்பை இந்தியன்ஸ் அணியிலிருந்து கர்நாடக வீரர் உத்தப்பா நீக்கப்பட்டு, அவருக்குப் பதில் ஜாகிர் கான் சேர்க்கப்பட்டுள்ளார். இந்தியன் கிரிக்கெட் போர்டால் துவங்கப்பட்ட அமைப்பு இந்தியன் பிரிமியர் லீக் (ஐ.பி.எல்.,). இவ்வமைப்பின் சார்பாக கடந்த ஆண்டு "டுவென்டி-20' தொடர் சிறப்பாக நடத்தப்பட்டது. 8 அணிகள் பங்கேற்று விளையாடிய இத்தொடரின், இரண்டாவது தொடர் வரும் மே மாதம் நடக்க உள்ளது. தொடருக்கு முன்பாக அணியில் இடம் பெற்றுள்ள வீரர்களை மாற்றம் செய்து கொள்ளலாம் என கடந்த டிச., 28 ம் தேதி ஐ.பி.எல்., நிர்வாகம் அறிவித்திருந்தது. இதன் படி திறமையான வீரர்களை ஒவ்வொரு அணிகளும் தேர்வு செய்து வருகின்றன. இந்நிலையில் கடந்த முறை பெங்களூரு ராயல் சேலஞ்சர்ஸ் அணியில் இடம் பெற்ற ஜாகிர் கான், மும்பை இந்தியன்ஸ் அணிக்கு மாற்றம் செய்யப் பட்டுள்ளார். இவருக்குப் பதில் ராபின் உத்தப்பா, பெங்களூரு அணிக்கு தேர்வு பெற்றுள்ளார்.

இப்பவே கண்ணை கட்டுதே!!!! தமிழக் காவல்துறை !!!

2009-08-29T22:58:00.000-07:00

"மின் வாரிய அலுவலகத் தில் கொள்ளை போன 2.50 லட்ச ரூபாய் மதிப்பிலான சொத்துக்களை, எங்களால் மீட்க முடியவில்லை' என தங்களது இயலாமையை வெளிப்படையாக ஒப்புக் கொண்டு சர்ட்டிபிகேட் அளித்துள்ளது மாநகர போலீஸ். இதே போன்று, எண்ணற்ற வாகனத் திருட்டு வழக்குகளிலும், புகார்தாரர்களுக்கு சான்றளித்து கைகழுவி வருகின்றனர். களவு போன சொத்துக்களை மீட்க நடவடிக்கை எடுக்காமல், இப்படியொரு சான்றிதழை வாரி வழங்கவா போலீஸ் துறை செயல்படுகிறது என்ற கேள்வி எழுந்துள்ளது

கோவை, கணபதி, ராமகிருஷ்ணாபுரத்தில் மின் வாரிய உதவி செயற்பொறியாளர் அலுவலகம் உள்ளது. கடந்த 2008, ஏப்., 5 நள்ளிரவில் இந்த அலுவலகத்தின் பூட்டை உடைத்து நுழைந்த கொள்ளையர், ஆறு கம்ப்யூட்டர், 1.5 கி.மீ., நீள மின் ஒயர், 50க்கும் மேற்பட்ட இரும்பு ராடுகளை திருடிச் சென்றனர்; இதன் மதிப்பு 2.50 லட்ச ரூபாய். இது குறித்து, அப்போதைய உதவி செயற்பொறியாளர் மணிவேலு, சரவணம்பட்டி குற்றப் பிரிவு போலீசில் புகார் அளித் தார். எப்.ஐ.ஆர்., பதிவு செய்து விசாரணை நடத்திய போலீசாரால், 16 மாதங்கள் கழிந்த நிலை யிலும் குற்றவாளிகளை கண்டுபிடித்து கைது செய்ய இயலவில்லை. இந்நிலையில், நிர் வாக காரணங்களால் உதவி செயற்பொறியாளர் மணிவேலு, வேறு பணிக்கு மாற் றப்பட்டு, கதிர் வேல் என்பவர் நியமிக்கப் பட்டார். இவர், பொறுப்பேற்ற போது, அலுவலகத்தில் கம்ப் யூட்டர்கள் இல்லாததை கண்டு அதிர்ச்சியடைந்தார். மின் கட்டண வசூல் பணிகள், கம்ப்யூட்டர்கள் இல்லாததால் பணிகள் முடங்கின.

கொள்ளை போன கம்ப் யூட்டர்களை மீட்டுத் தருமாறு சரவணம்பட்டி போலீசாரை தொடர்ந்து வற்புறுத்தினார். "கொள்ளையரை பிடிக்காவிடில் மின் வாரியம் விடாது போலிருக்கிறது' எனக் கருதிய போலீசார், வழக்கை மூடிவிட முடிவு செய்தனர். "உமது மின் வாரிய அலுவலகத்தில் திருட் டுப் போன சொத்துக்களை எங்களால் மீட்க முடியவில்லை' என வெளிப்படையாக ஒப்புக் கொண்டு, உதவி செயற்பொறியாளரிடம் சர்ட்பிடிகேட் கொடுத்துவிட்டனர்; அவரும், அதை பெற்று அலுவலக கோப்பில் சேர்த்துவிட்டார். ரூ. 2.50 லட்சத்துக்கு நேர்ந்த கதி: திருட்டு நடந்தது அரசுக்கு சொந்தமான மின் வாரிய அலுவலகத்தில்; திருடப்பட்டவை மக்கள் வரிப்பணத்தில் வாங் கப்பட்ட கம்ப்யூட்டர்கள் மற் றும் சொத்துக்கள்.

அரசு சொத்து களவு போனதற்கே இந்த நிலை என்றால், தனி நபர்களின் சொத்துக்கள் களவு போனால் என்னவாகும்? திருட்டு நடந் தால், குற்றவாளிகளை கைது செய்து, சொத் துக்களை மீட்டு, சட்டத்தின் முன் நிறுத்தி தண்டனை பெற்றுத் தருவதே போலீசின் கடமை; பொறுப்பும் கூட. அதை விடுத்து, திருட்டு சொத்துக்களை மீட்க முடியவில்லை என வெள் ளைக் காகிதத்தில் சான்றளித்து, கையெழுத்திட போலீஸ் துறை எதற்கு என்ற கேள்வி எழுகிறது. இது குறித்து, மின்வாரிய ஊழியர்கள் தரப்பில் கூறுகையில், "மின்வாரிய கான்ட்ராக் டர் - வாரிய அதிகாரிகள் இடையேயான பண செட்டில்மென்ட் மோதல் காரணமாக, அலுவலக கம்ப்யூட்டர்கள் மற்றும் பொருட்கள் இரவில் களவாடப்பட்டன; இக்கோணத்தில் விசாரணை நடத்திய போலீசார், நடவடிக்கை எடுக்காத மர்மம் என்ன?' என கேள்வி எழுப்புகின்றனர்.

மின் வாரிய அலுவலக திருட்டு வழக்கில் மட்டுமின்றி, வாகனத் திருட்டு வழக் குகளிலும் போலீசார் முறையாக விசாரணை நடத்தி, குற்றவாளிகளை கைது செய்வது கிடையாது. "வாகனத்தை மீட்க முடியவில்லை' என சான்று அளித்து, பொறுப்பை தட்டிக் கழித்து வருகின்றனர்; இதனால், கிரிமினல்கள் தொடர்ந்து திருட்டில் ஈடுபட்டு மக்களை அச்சுறுத்தி வருகின்றனர்.களவு போன சொத்துக்களை மீட்க முடியவில்லை, என சான்று அளிக்க போலீஸ் படை பலம் எதற்கு? புலன்விசாரணை எதற்கு? ஸ்டேஷனுக்கு ஒரே ஒரு ரைட்டர் மட்டும் போதாதா என்ற கேள்விகள் எழுகின்றன.

நண்பர்களே!

2009-08-29T22:17:00.000-07:00

இந்த வலைப்பூவில் காதல் கவிதைகள் அதிகம் இருந்தாலும்
எதோ என்னால் முடிந்த அளவுக்கு மற்ற செய்திகளையும் இடுகை
இடுகிறேன். தொடர்ந்து உங்கள் கருத்துகளை பதிவு செய்யுங்கள்!!
--- உங்கள் செ.சுந்தரராஜன்

காதல் அன்றி வேறரியோம் !

2009-08-29T21:50:00.000-07:00

உன் ஒற்றை பார்வைக்காக
உறக்கமின்றி உன் பின்னாலே
தொடரும் காலங்களில்
என் செவிகளில் உன் சிரிப்பொலி
மட்டும் கேட்கும்
என் விழிகளில் உன் பிம்பம்
மட்டும் தெரியும்
ஆனால் உனக்கோ
என்னை தவிர மற்றவை
மட்டுமே தெரிகிறது!
என என் நண்பர்கள் சொல்ல கேட்டு
சிரித்தேன்!
பைத்தியமாடா உனக்கு? என்று
அவர்கள் கேட்டபோது - ஆமாம் அவள் மீது !
என பதில் சொல்ல தெரிந்த
எனக்கு !!!
அதையே நீ கேட்ட போது சொல்வதற்கு என்னிடம் பதிலே இல்லை !
------செ.சுந்தரராஜன்